Thread Back Search

عضو في المطبخ

اضافه رد
  • 8 - 4 - 2012 | 3:54 PM 11724 الصورة الرمزية دموع الصمت دموع الصمت
  • يسلموووووووووووو علي
    عالاكلات اللذيذة
    ومرسي
    لتلبية الدعوة


  • 8 - 4 - 2012 | 3:56 PM 11724 الصورة الرمزية دموع الصمت دموع الصمت
  • نورتي يا بسبس
    وجهزي حالك
    صار دورك في المطبخ
    وابقي وريني شطارتك يا جميل

    اتمنى تقبل دعوتي

  • 8 - 4 - 2012 | 5:49 PM 11724 الصورة الرمزية بوسى بوسى
  • طبعا على يصوم حتى عن الشيشه والدخان
    انا عازماكم النهارده على سلطة بلدى ومحشى كرنب وصينية رقاق وملوخيةوممبار وبط وجلاش باللحمة المفرومة
    1 البط
    نجيب البطه ونغسلها غسلة حلوة ونتبلها بالملح شويه
    بعد حوالى 15 دقيقة نجيب حلة وفيها ميه علشان نسلقها ولما الميه تغلى نغسل البطه
    نجيب بصله مبشورة ونحط عليها ملح وفلفل وكمون ونحط منها شويه جوة البطه وبعدين نحطها فى الشوربه ونحط باقى البصل وشوربه دجاج وحبهان وورق لورى ونسيبها لحد ماتستوى وبعدين نطلعها
    نجيب صينيه ونحط فيها البطه ونجيب حبايتين طماطم مفرومة وعليها كل التوابل اللى بتحبوها بس تكون مطحونه وندهن بيها البطه وندخلها تحت الشوايه لحد ماتبقى حمرا خالص ونخرجها
    انا هاعمل تلاته على فكرة عشان تاكلوا وتزقططوا

    2المحشى
    نجيب الكرنبه ونقور القلب بتاعها وبعدين نحط حلة فيها ميه على النار ونحط فيها ملح
    لما تغلى نحط الكرنبه بس مقلوبه على وشها
    وبعد دقيقتين نلفها على ضهرها ونشيل منها الورقه اللى ناحيه برة كل دقيقة تقريبا يعنى كل دقيقه نشيل الورقه الخارجيه لحد ماتتسلق الكرنبه كلها
    نجيب بصله متخرطة ونحطها فى حلة متوسطه على النار ومعاها ربع كوباية زيت صغيرة ونحمرها
    بعدين نحط عليها كيلو طماطم مخلوطه فى الخلاط ونسيبها حوالى ربع ساعه عقبال ماالميه تتشرب وتتسبك وبعدين نحط فلفل اسمر وكمون وشطه وملح
    نجيب كيلو ارز ونحطه بعد مانقيه ونغسلوا طبعا
    بعد كده نجيب الخضرة المشكله ونخرطها كلها حوالى ب2جنيه خضرة شبت وكسبرة وبقدونس
    ونقلب كله ونطفى النار
    كده خلطة الحشى جاهزة
    ناخد منها حوالى ربع الخلطه علشان الممبار ونخليهم على جنب
    نجيب بقى ورق الكرنب ونقطع منه العرق الكبير وبعدين نلفها بالطول ونقطعها وبعد كده الورقه الواحده هاتبقى عامله زى المستطيل كده نقطعها على هيئه مربعات تقريبا طبعا محدش يعمل كده من غير مايورى امه لاحسن الكرنبه هاتبوظ
    نجيب ورقه ونحط فيها تقريبا معلقة رز صغيرة من الخلطه ونلفها وبرضوا ماما هاتوريهالكم
    نعمل كده مع كل الكرنبه والورقه اللى تتحشى تترص فى الحله جنب بعض والسطور تكون خلف خلاف
    زمان البطه استوت نحط شوربه من بتاعت البطه على المحشى لحد فوق الوش الاخرانى بحوالى 2سم ونسيب الحله على النار ولما تتشرب زى الرز نوطى عليها ونبقى نتابعها لحد ماتستوى وبعدين نطفى
    3 الممبار
    نجيب الممبار ونغسلوا كويس بالملح والخل والليمون ونشطفوا كويس جدا
    بعد كده نجيب باقى الخلطة ونفتح فتحةالممبار وندخل الرز بمعلقة صغيرة ويستحسن قمع صغير هايبقى اسهل
    ومانملهاش قوى علشان الرز بيزيد ولما نخلص نركنوا هو كمان
    ونجيب حله فيها ميه ولماتغلى نحط فيها بصله وملح وكمون وفلفل وشوربة دجاج ونحط الممبار ولما يستوى نطلعوا فى مصفاة
    ونجيب طاسه للقلى ونحط فيها الزيت وبعدين نحمروا زى مابنحمر الفراخ كده ونطفى ونسيبه
    4 الجلاش اللى باللحمة المفرومة
    نجيب نص لحمه مفرومة ونعصجها ازاى
    نحط معلقتين سمنه صغيرين ونحط اللحمه ونقلب وبعد 3دقايق نحط بصلة صغيرة مفرومة وقرن فلفل اخضر متقطع وملح وفلفل اسمر وكمون ونسيبها 5دقايق
    ونطفى
    نجيب صينيه ونحط فيها معلقة سمنه وندهنها بيها وبعدين نحط نص الجلاش وفوقيه اللحمه اللى اتعملت ونحط باقى الجلاش وبعدين نقطعوا وهو نى كده
    ونجيب كوبايه من بتاعت الميه ونحط فيها لبن وعليه بيضتين ورشه فلفل وكمون وملح صغيرة ونقلبهم كويس ونسقى الجلاش بيها زى مابنعمل مع الشربات فى الكنافه مثلا
    وندخلها الفرن على درجة حرارة 200 لمده عشر دقايق او لحد مالوش يتحمر ونطفى
    5 الرقاق
    نجيب نص كيلو كبد وقوانص ونعصجها زى اللحمه المفرومة
    نحيب الصينيه المدهونه بالسمنه ونمسك ورقه ورقه من الرقاق
    ونبلها بالشوربه وبعدين نحطها فى الصينيه
    على فكرة واحنا بنبلها ماناخدش وقت علشان ماتبوش يعنى 5 ثوانى بالكتير فى الورقه
    نرص ورقه ورقه حوالى كده 7 ورقات وبعدين الكبد والقوانص و7 ورقات تانين وندهن الوش بسمنه خفيفه وندخلها الفرن لحد ماتحمر وتتحمص ونطلعها
    6 الملوخيه
    نجيب ملوخية خضرا ونقطفها ونغسلها ونحطها فى مصفى لحد ماتنشف شويه وبعدين نخرطها بالمخرطه
    نجيب توم مدقوق ونحطه فى طاسه مع سمنه ونحمروا عقبال مايتحمر
    نحط شوربه تغلى وبعدين نحط الملو خيه لحد ما تغلى غلوة واحده ونطفى وبعدين نطش التقليه عليها ونسيبها مكشوفه اوعوا تغطوها
    7 السلطة البلدى
    نجيب خيار وفلفل الوان وطماطم وبصل اخضر وجزر وخس وجرجير اى خضار تحبوة ونخرطوا كله على بعضة ونحط عليه شوية ملح ونعصر عليه لمونه ونقلبوا تقليبه جامده ونسيبوا
    بعد كده بقى نغرف كل الحاجات دى
    قدامكم دلوقتى
    سرفيس محشى كرنب وسرفيس ممبار وسرفيس فيه 3 بطات محمرة وسرفيس فيه قطع رقاق وسرفيس فيه قطع جلاش باللحمه المفرومه وسلطانية ملوخيه وسلطانيه سلطه بالهنا والشفا عاوزة الاطباق دى تتمسح انتوا فاهمين
    بسرعة علشان الشاى جاى



  • 8 - 4 - 2012 | 6:01 PM 11724 الصورة الرمزية بوسى بوسى
  • دلوقتى بقى تحبسوا بالشاى عقبال مالحلو والفاكهة تيجى
    الحلو مهلبيه بالمكسرات وفاكهة
    نجيب كيلوا لبن وننغليه بعدين نجيب تمن كيلوا نشا ونقلبها على كوبايه ميه ونحطها على اللبن
    ونقلب باراحه ونفس الاتجاه فى التقليب لحد ماتتقل وتبقى زى السحلب
    بعدين نغرفها فى اطباق صغيرة ونجيب سودانى وجوز الهند وزبيب واى مكسرات عندكم ونرشها على الوش
    دلوقتى بقى قدامكم
    اطباق مهلبيه وطبق كبير فاكهة فيه موز وتفاح وكومثرة وجوافة وتين بطيخ كمان
    بالهنا والشفا ياجماعة وشرفتونى
    كل سنه وانتوا طيبين


  • 8 - 4 - 2012 | 6:04 PM 11724 الصورة الرمزية ALOL_2010 ALOL_2010
  • على ايه يا سحر دى اقل حاجه والله تحياتى لكى

  • 8 - 4 - 2012 | 9:09 PM 11724 الصورة الرمزية دموع الصمت دموع الصمت
  • يمي يمي
    تسلمي يا بسبس
    علالاكلات الجامدة
    انتي كدا حتخربينا
    الريجيييييييييييييم
    تسلميلي يارب
    على تلبية الدعوة


  • 8 - 4 - 2012 | 9:14 PM 11724 الصورة الرمزية بوسى بوسى
  • بالهنا والشفا عشان تفتكرونى بالخير
    مع السلامه


  • 14 - 4 - 2012 | 5:23 PM 11724 الصورة الرمزية دموع الصمت دموع الصمت
  • ورجعتلكم
    واليوم بقى
    العضوة هي
    زهرة اللوتس
    يا ربي تلبي الدعوة
    لاحسن انا ميتة من الجووووع


  • 15 - 4 - 2012 | 4:36 AM 11724 الصورة الرمزية زهرة اللوتس زهرة اللوتس
  • ساااااااااااااااااااااااااااااامحونى عالتاخير
    كنت بره البيت معلش
    يلا الغدا الاحد بقى عندى
    بما انكم زهقانين ولايم وبالمره عشان نحس بالغلابه
    انا بقى هاغديكم الاكله المصريه الشعبيه جدا
    كشررررررررررررررررررررررررررى
    بسم الله الرحمن الرحيم
    المقادير ( تكفى لثلاثه افراد):
    2 كوب ارز مصرى
    1 كوب عدس اسمر (بجبه)
    1\2 كوب شعريه
    1 كيس مكرونه صغيره
    1 بصله كبيره
    ملح - فلفل- كمون
    مقادير الصلصه:

    نص كيلو طماطم مهروسه
    5 فصوص ثوم كبار
    3 معالق اكل زيت
    3 معالق اكل خل
    فلفل - ملح- شطه

    مقادير الدقه ( الثوميه):
    8 فصوص ثوم
    3-4 ملاعق صغيرة كمون
    3 ملاعق صغيرة شطة حمراء ناعمة
    2 لمونة
    2 معلقة صغيرة ملح
    نصف كوب خل

    طريقه العمل:
    1- الصلصة
    يُسخن الزيت على نار متوسطة ثم يضاف إليه الثوم ويقلَّب قليلاً لمدة دقيقتينتُضاف صلصة الطماطم وتتبل بالملح والفلفل والشطة حتى تبدأ في الغليان ثم تخفض الحرارة إلى هادئة وتترك لمدة حوالي 10 دقائق
    يُضاف الخل وتترك لمدة 5 دقائق أخرى ثم تحفظ الصلصة جانباً لتقدم مع الكشر
    عند استخدام صلصة سميكة إلى حد ما، يمكن إضافة الماء لتخفيفها مع مراعاة التقليب جيداً حتى تندمج وتذوب تماماً في الماء
    2- دقه الثوم_
    نهرس الثوم والكمون والشطة والملح جيداً. ونضعهم فى أناء, ثم نضيف لهم الليمون والخل ونزيدهم بقليل من الماء بحسب الرغبة, ثم نقلبهم على النار..
    وفى أثناء تقليبهم نرى إذا أحتاج الخليط إلى قليل من الملح فنزيده, ثم نتركه حتى يغلى ورائحته تفوح.
    3 الكشرى:
    يُغسل العدس ويصفى ويحفظ جانباً.
    - يُوضع الزيت على نار متوسطة ثم يوضع البصل ويقلب حتى يصبح لونه بني فاتح.
    - يُرفع البصل من الزيت ويوضع فوق قطعة قماش لامتصاص أي زيت زائد.
    - يوضع العدس في نفس الإناء ويقلَّب ويغطى بالماء ويتبل بالملح والفلفل، وتخفض درجة الحرارة ويترك لمدة 25 دقيقة إلى أن يبدأ في النضج.
    - يُضاف الأرز المغسول ويقلَّب مع العدس ويتبل.
    - يَترك على نار هادئة حتى ينضج تماماً مع إضافة ماء إذا تطلب الأمر.
    - في نفس الأثناء تسلق المكرونة وتصفى وتترك جانباً.

    عند التقديم يوضع الأرز والعدس ثم قليل من المكرونة ويزَّين بصلصة الطماطم والبصل المحمر، ويمكن تقديمه مع سلطة من الطماطم والحمص

    بالهنااااااااااااااا والشفاااااااااااااا


  • 15 - 4 - 2012 | 4:43 AM 11724 الصورة الرمزية زهرة اللوتس زهرة اللوتس
  • مفييييييييييييييييييييييش حلو بقى
    عشاااااااااااااااااااااان الغلابه ههههههههههه
    ادى براااااااااااااااااااد شاى جامبو والسكر والنعناع كمان
    وادى صينيه كبيرررررررررررة عليها 18000000000000000000000 كوبايه
    احبسوا بيه بقى
    وبالف هنا وشفا للاعضاء والزوار وصحاب الشات كمان
    شكرررررررررا سحورة ياقمر انتى على الدعوة
    يارب يحفظك ويخليكى ياقمر


Powered by vBulletin® Copyright ©2000 - 2017, Jelsoft Enterprises Ltd.
SEO by vBSEO

تصميم النور اونلاين لخدمات الويب المتكاملة