Thread Back Search

اى معلومات فى الاكل عندى بس الاكل البلدى بس

اضافه رد
  • 7 - 4 - 2012 | 6:24 PM 4120 الصورة الرمزية بوسى بوسى
  • وحشتونى موت ياجمد اعضاء فى احلى منتدى
    انا اسفه انى اتاخرت فى الرد عليكم انتوا عارفين رخامة النت وتقلوا فى البلد دى
    انا كنت هاهاجر خلاص واجيلك يانوفا ههههههه
    المهم انتوا تؤمروا بس اى اكله انتوا عاوزينها بس بشرط اللى يعملها يدوقنى هههههههه
    عارفين انا ببعت ليكم اكبر تحيه وسلام علشان تشجيعكم ليا وطبعا السلام الكبير لنوفا على اهتمامها
    ويااااااااارب
    يااااااارب
    يخليكوا ليا ويحفظكم وقبل مانسى
    لو لقيتونى غبت
    اوعى يانوفا تشيلى النجمة والنبى ههههههههه
    هو الهباب النت ده
    والف شكر عالمرور الخفيف ده واوعوا تنسوا تنورونى دايما
    تسلموا
    شكررررررررررررا

  • 8 - 4 - 2012 | 12:24 AM 4120 الصورة الرمزية بوسى بوسى
  • اوعوا تستغربوا هو شيف حلوانى يعنى مش منطقته
    بسم الله الرحمن الرحيم
    اولا المقادير
    كيس مكرونه الملكه قلم اصلها مابتعجنش
    نص كيلو لبن
    3ملاعق دقيق
    3معالق سمنه بلدى طبعا اللى عامل رجيم يروح ياكل جبنه-- قريش احسن
    2كوبايه شوربه كوبايه من بتاعت الميه الطويله دى
    3 بيضات يستحسن بلدى علشان الظفارة ولو ابيض يبقى نقلب عليهم شويه فلفل اسمر صغيرين
    جبنه رومى مبشوره حوالى 4ملاعق
    نص كيلو لحمه مفرومه
    بصله كبيرة متخرطه صغير
    قرن فلفل متقطع قطع صغيرة
    واحدة طماطم متقطعة قطع صغيرة
    فص توم صغير منزوع القلب متقطع قطع صغيرة
    ثانيا المواعين قصدى الاوانى طبعا
    حله وصينية وسط وطاسه وكاسرونا اللى بتغلوا فيها اللبن بس عاوزنها لحاجه تانيه وابقوا اغلوا اللبن فى اى كاسرونه تانيه
    ثالثا الطريقه ركزوا شويه
    نجيب الحلة ونحط نصفها ميه ولما تغلى نزودفيها معلقة صغيرة قوى ملح ومعلقتين كبار زيت ونحط المكرونة
    نجيب الكسرونه الفاضيه ونحط فيها معلقتين سمنه وبعد ماتسخن نحط الدقيق ونفضل نقلب لحد مايبتدى لون الدقيق الابيض يكسر على بنى فاتح او دهبى
    نجيب اللبن ونفضل نحط شويه شويه على الدقيق المحمر ونقلب بسرعه علشان مايكلكعش ولازم نقلب بمضرب يد
    بعد كده نزود الشوربه ونقلب بس بسيط عن الاول ولما يبتدى يفور تقريبا او يبقى بيغلى زى اللبن
    طبعا المكرونه تتقلب ماتنسوش وهى هاتكون زمانها اتسلقت صفوها فى مصفه وبعدين حطوها فى الحله تانى
    نحط بقى على البشاميل بيضه واحدة ومعلقة جبنه رومى وجبه ملح صغيرين قوى رشه صغيرة خالص
    نحط معلقتين كبار بشاميل على المكرونه ونقلبهم
    نجيب بقى الطاسه ونحط فيها اخر معلقة سمنه وعليها اللحمه والثوم ونقلبهم دقيقة
    نحط عليها البصل والفلفل والطماطم ونسيبها 4 دقايق وبعدين نطفى
    النهايه
    نجيب الصينيه ونحط فيها الاول معلقتين بشاميل فى القعر ونفردهم فلى الصينيه كلها
    نحط تلات تربع المكرونه وندوس عليها نثبتها ونساويها
    نحط اللحمه اللى اتعملت ونفردها برضوا
    نحط باقى المكرونه ونضغط ونساويها ونضغط عليها
    نرش الحبنه الرومى اللى باقيه على الوش
    نجيب البيض ونفردوا على الوش كله
    بعد كده ندخلها الفرن على نار متوسطه ولو فى تايمر يبقى 200 درجه حوالى نص ساعه او لحد مالوش يحمر
    خلصت الطبخه ولو انها سهله
    عاوزة طلبات جامده وحرشه كده هههههههههه
    بالف هنا وعلى الله ماتجربوهاش على فكرة دى طريقة متجربه بقالها 12 سنه هههههههههههههه

    ممكن تستعموا الجبنه اللى بتحبوها مش شرط رومى ومش شرط جبنه من اساسوا

  • 8 - 4 - 2012 | 1:52 AM 4120 الصورة الرمزية ألًأ دٌمَـ عُ ــة أمَيُ ألًأ دٌمَـ عُ ــة أمَيُ
  • نورتي يا حبيبت قلبي

    ولا يهمك

    وان شاء الله ديماا منوراناا على طوول

    وانتي وحشانا اكثر

    وما ننحرمشي من كل وصفااتك يا شيف بوسي

    اختك نوفاا

  • 8 - 4 - 2012 | 2:06 AM 4120 الصورة الرمزية ALOL_2010 ALOL_2010
  • نوفا لو جيتى مصر هتعرفيها ههههههههههههه الطعميه

  • 8 - 4 - 2012 | 2:07 AM 4120 الصورة الرمزية ALOL_2010 ALOL_2010
  • مشكور حبيبت قلبى بوسى ده انا بعمله احسن منك ههههههههه تحياتى الناس تحكم فى شرح الطريقه وعمله ههههههههههههه

Powered by vBulletin® Copyright ©2000 - 2017, Jelsoft Enterprises Ltd.
SEO by vBSEO

تصميم النور اونلاين لخدمات الويب المتكاملة