Thread Back Search

وصفة عمل الزيتون العزيزي ,طريقة عمل الزيتون العزيزي ,Olive Pickle

اضافه رد
  • 10 - 10 - 2012 | 11:44 PM 8068 الصورة الرمزية نواره نواره



  • كل سنه وانتم طيبين الزيتون متوفر الايام دي ورخيص والحمد لله وفي انواع كتيره اوي من الزيتون الاخضر ، لو هاتاكلي الزيتون علي طول ومش عاوزه
    تخزنيه لطول السنه فاممكن تجيبي نوع اسمه الزيتون التفاحي وده وبتبقي الزيتونه
    مدورة وكبيره في الحجم وتحسيها طريه من كتر اللحم بتاعها بس مش بيستمر فتره
    طويله وبيتهري ومابيبقاش حلو لو اتخزن فتره طويله
    نوع تاني اسمه الزيتون العزيزي وده الزيتونه بتاعه صغيره في الحجم وانشف
    شويه من التفاحي وميزته انه ممكن يستمر معاكي طول السنه ومش
    بيتهري بسرعه ( عندي منه زيتون من موسم السنه اللي
    قبل اللي فاتت ولسه ماشاء الله جميل جدا )

    ندخل علي المهم طريقة التخليل ( وهي واحده للنوعين )


    هانحتاج :
    كيلو زيتون
    نص كيلو عصير ليمون
    قشر الليمون اللي عصرناه
    ربع فلفل اخضر حامي
    ربع فلفل احمر مفروووووووووووم
    وبرطمان فاضي بحجم مناسب
    زيت


    الطريقه:

    يغسل الزيتون جيدا ويشق من كل جانب علي شكل علامة x
    ينقع في الماء لمده 3 او 4 ايام مع تغيير الماء اكثر من مره يوميا للتخلص من
    المراره الموجوده فيه وماتقلقيش لو الشقوق لونها اغمق شويه لما يتخلل كلها هاتبقي
    لونها اصفر
    بعد فترة النقع يصفي من الماء ونحضر كل المكونات السابقه والبرطمان ونعبي بالتبادل الزيتون وتاني طبقه الفلفل الاخضر وتاني شويه فلفل احمر مطحون وهكذا لحد ما تخلصي المقدار كله وفي الاخر تحطي عصير الليمون وتظبطي الميه والملح لحد الاخر وتضيفي شوية زيت حلوين كده وفي الاخر فلفل اخضر تاني و قشر الليمون علي الوش علشان لقدر الله لو حصل عفن او شي هيكون في قشر الليمون بسسسسس وتقفليه كويس علشان ميدخلش هو فيه
    بالنسبه للزيتون التفاحي شهر بيكون استوي وتقدري تكلي منه ومش بيقعد كتير
    وبالنسبه للزيتون العزيزي بيقعد معاكي من السنه للسنه وبيكون ماسك نفسه وحلوووووووووووووووووووووووو ((عندي منه من السنه الفاتت
    اخليكم مع الصور











    البرطمانات الصغنونه دي للحبايب بتوع كل سنه بهديه ليهم ولجيراني كمان

    يابنات كل كيلو زيتون بياخد من نص كيلو الي كيلو الاربع عصير ليمون يعني لو حابه تزودي مش هيخسر بالعكس اليمون ماده حافظه
    اتمني موضوعي يفيد البنات الي مش بتعرف تخلل الزيتون وتجربووووووووووووووه
    ما تنسوش اييييييييييييييييييييييييه
    تصلو علي النبي
    تقيمو الموضوع لااني تعبت في تنسيقه بقالي ساعه بكتبه بس كله لعيونكم
    احبكم في الله


    المواضيع المتشابهه:

Powered by vBulletin® Copyright ©2000 - 2017, Jelsoft Enterprises Ltd.
SEO by vBSEO

تصميم النور اونلاين لخدمات الويب المتكاملة