Thread Back Search

الكشرى المصرى بالكبده 2012 ,And I am surprised by the taste Masterpiece 2012

اضافه رد
  • 14 - 10 - 2012 | 12:34 PM 1509 الصورة الرمزية طل القمر طل القمر
  • طعم ولا أروع الكشرى المصرى بالكبده2013 - تعلمي معنا 2013- الجديد في طريقة 2013-وصفة عمل أشهى 2013- طريقة عمل كفته البطاطس2013-طريقة العمل بالخطوات 2013-
    الكشرى المصرى بالكبده 2012 , وعجبى الطعم التحفة 2012


    اولا المقادير :

    نص كيلو مكرونة عادية ونص اسباكتي
    ربع كيلو عدس ( بجبة / اسمر يعني )
    ربع كيلو كبدة ( فراخ )
    نص كيلو ارز
    كام بصلة كده ( 5 ) مثلا
    نص كيلو طماطم ( للصلصة )
    ملح - فلفل - شطة - توابل - زيت
    ليمون وخل وتوم وشطة ( للدقة )
    لسان عصفور او شعرية ( تبع المزاج ... براحتك يعني )

    نيجي للطريقة
    .
    .
    .

    ركزوا معايا

    اول حاجة نجيب العدس وطبعا قبليها بيبقا منقوع في المايه بحوالي 3 ساعات كده او براحتك يعني المهم يبقا منقوع قبليها بشويا وتحطيه ع النار لحد مايستوي وبعدين بتصفيه ومترميش الماية بتاعته هنحتاجها ...... هتقوليلي ليه ؟
    هقولك اصبري

    بعد كده هتقطعي بصلة ( ناعم ) وتحمريها في الزيت وبعدين
    هتجيبي المايه بتاعت العدس ( اللي قولتلك هنحتاجها ) وتحطيها علي البصلة بعد ما تتحمر وهتحطي عليها ملح وشطه وشويه توابل


    طبعا هتبقي محضرة الارز زي مقولتلك في المقادير هتغسليه كويس وهتحطيه في المايه بتاعت العدس ........ لو عاوزة ممكن تحمري شويا لسان عصفور او الشعرية ( تبع مزاجك )
    ( بس انا بحط شعرية علشان اللسان العصفور بياخد سوا اكتر من الشعرية )
    وتحطيهم ع الارز وماية العدس ....... هتسيبي الارز يستوي ...... بس اوعي تسيبيه يتحرق ههههههههههه ابقي قلبيه كل شويا كده

    هنيجي للمكرونة هتسلقيها طبعا مش محتاجة كلام ... يعني اقل من 5 دقايق ع النار وبتنزليها تسيبيها في الحلة شويا يعني 5 دقايق كمان او اقل تبع لما تلاقيها استوت وهتحطيها في المصفاه وسيبيها .....

    هتيجي طبعا ياستي تعصري الطماطم ... وتحطي عليها ملح وشطة وفلفل وتوابل ... وتحطيها في طاسة ع النار وتعمليها صلصه

    نيجي ع الكبده ...... انا بعمله بكبده بصراحة بيبقا دمار جربي مش هتندمي
    هتيجيبي كام بصلة كده يعني 2 ، 3 و تقطعيهم ( ناعم ) وتحطي زيت علي البصل في طاسة ع النار وقلبيها كده شويا
    ( بس البصل ميحمرش ) وبعد كده هتكوني محضرة الكبده طبعا وتكوني مقطعاها مربعات صغيرة ... وبعدين حطيها ع البصل وحطي عليها ملح وفلفل وقلبيها شويا ولو حسيتي انها ممكن تتحرق حطي عليه نص كوبايه ماية وسيبيها لحد لما تستوي ..........
    .
    .
    .
    معلش هتتعبي بس استحملي لانه هيبقا في الاخر طعمه خطيييييييييييييير
    .
    .
    المهم هتجيبي الكبدة بعد مااستوت وهتحطيها ع الارز طبعا لما تحسي انو خلاص فاضلو 10 دقايق كده ويبقا مستوي وحطي الكبدة ع الارز وسيبيها 10 دقايق وطفي ع الارز ....

    طبعا هتكوني محضرة كام بصلة كده ومقطعاهم ( ناعم ) وحمريهم في زيت ( عشان تحطيهم علي وش الكشري )

    كده تمام مش فاضل غير الدقة طبعا تحضيرها سهل

    هتجيبي التوم وتدقيه بملح وشطة وتجيبي الخل والليمون وشوية ماية وتحطيهم في الخلاط وتخلطيهم
    .
    .
    .
    .
    .

    نيجي للتقديم

    علشان يكون الطبق شكلو مغري كده
    .
    .
    .
    حطي الاول المكرونة وحطي شويا صلصة وقلبيها وجيبي الارز بالكبدة وحطي شويا وشويا عدس وبعدين شويا بصل وبعدين شويا صلصة تاني في الاخر والدقة

    .
    .
    .
    .
    .
    ودا الكشري بعد ما اتحضر


    المواضيع المتشابهه:

Powered by vBulletin® Copyright ©2000 - 2017, Jelsoft Enterprises Ltd.
SEO by vBSEO

تصميم النور اونلاين لخدمات الويب المتكاملة