Thread Back Search

قصص للاطفال 2013 ، Stories for kids 2013

اضافه رد
  • 4 - 1 - 2013 | 10:56 PM 808 الصورة الرمزية سمسمه سمسمه
  • قصص للاطفال 2013 ، Stories for kids 2013


    القصة الأولى للأطفال بقلم جداوي كول




    صلاتي نجاتي

    الله اكبر ... الله اكبر
    الله اكبر ... الله اكبر
    اشهد ان لا اله الا الله ... اشهد ان لا اله الا الله
    اشهد ان محمد رسول الله ... اشهد ان محمد رسول الله
    حى على الصلاه ... حى على الصلاه
    حى على الفلاح ...حى على الفلاح

    :لا حول ولا قوة الله بالله ما تسمع قوم للصلاة

    ترك عماد اللي بيده بخوف :خلاص قمت توضى قدامه وانتظره لما يخرج

    خرج بعده كان يمشي بملل وهو يرمي بطريقة أي شيء يلاقيه "اوووف الصلاة الصلاة

    ولو ما رحت الصلاة يضربني "

    شاف بطريقة واحد من أصحابه راح يجري له :هلا أحمد فين بتروح

    احمد وهو ينزل السواك من فمه :رايح للمسجد

    عماد بتذمر :أبوك اليوم مو في ليه تروح المسجد

    :أنا ما أصلي لأبوية أنا أصلي لربي وربي موجود بكل وقت

    :طيب اسمع إذا شافك أبوية قول إني صليت معاك وخرجت بسرعة

    مسكه أحمد بيده :فين بتروح

    عماد وهو يتلفت حوليه ويرخى صوته :بروح أنا و صالح مع محمد بيسرق سيارة أبوه

    وهو بالمسجد ونفحط فيها ونرجعها تعال معانا وبعدين نصلي بالبيت

    :استغفر الله وتترك الصلاة عشان تفحيط تعال معايا وصلي لو تبغى ربي يوفقك

    ويحفظك الصلاة حفظ بعدين لا تنسى انه اللي يصلي العشاء بجماعة بحفظ الله حتى يصبح

    واللي يصلي الفجر بحفظه حتى يمسي لا تفوت على نفسك حفظ الله

    تعال وأنسى كل شيء وإنت بين يدين ربي وراح تحس بالراحه

    :يو كلامك كثير وأنا مو فاضي بروح بس لا تنسى تقول لأبوية إذا سأل عني

    مسكه مع يده بقوه :ما راح أسيبك تعال معايا اليوم وجرب تصلي عشان ربي مو عشان

    ترضى أبوك وصدقني ما راح تقدر تسيبها بعد كذا ولو ما ارتحت روح معاهم مره ثانيه

    دخل معه من غير ما يقتنع صلى وكل تفكيره بأصحابه اللي ينتظروه والتفحيط اللي فاته

    لما انتهى من الصلاة وقف وهو يشوف أبوه يقرب منه وهو مبتسم :الله ينور عليك ويهديك

    خرجوا من المسجد وبطريقهم للبيت شافوا الناس مجتمعه وأصواتهم مرتفعه قرب ابوه

    من جارهم:خير إيش فيه

    :خير هذا محمد سارق سيارة أبوه مع صاحبة وجلس يفحط فيها صدموا هندي كان

    رايح للمسجد

    :لا حول ولا قوة الا بالله وهو ان شاء الله بخير

    :يقولوا كدمات ويمكن كسور

    تركوا جارهم وعماد ساكت ويحمد ربه انه مو معاهم وانه سمع كلام احمد وما ترك الصلاة

    كيف بيكون حاله ذحين وإلا إيش راح يكون عقابه من أبوه

    انتبه ليد أبوه اللي حاطت كتفه :ضيعوا الصلاة و انحرموا من حفظ الله لهم

    ابتسم وهو يمشي رافع راسه :أنا بحفظ الله لين الصباح والصباح راح أجدد حفظه وما ارح

    اترك الصلاة بعد اليوم لأنه فيها نجاتي


    بقلم : جداوي كول



    المواضيع المتشابهه:

Powered by vBulletin® Copyright ©2000 - 2017, Jelsoft Enterprises Ltd.
SEO by vBSEO

تصميم النور اونلاين لخدمات الويب المتكاملة