Thread Back Search

قصيدة أصعب سؤال 2013 ، Poem hardest question 2013

اضافه رد
  • 19 - 1 - 2013 | 2:59 AM 1018 الصورة الرمزية سمسمه سمسمه
  • قصيدة أصعب سؤال 2013 ، Poem hardest question 2013


    اصعب سؤال اللي جوابه للاسف مثله سؤال


    ماهو تفلسف إلا موقف صار واسمع ثاني بيت



    البارحه يومه سأل وش ذكرك ذيك الليال

    كان الجواب بكل بساطه من متى اصلا نسيت






    ادري بأن جمع الصعوبه والبساطه شي محال

    لكنها صارت كذا واللي اهم اني دريت



    ان الحياه ببعد احبابك اذا جف الوصال

    تعيشها لو تقتنع انك خلاص اصبحت ميت



    ياصاحبي لو كل شي يمر بالخاطر يقال

    ماكانت العبره تولجني الا منك طريت



    شفني قدرت احبس دموعي بس دمع القاف سال

    وياكبرها ساكت ولكن داخل اوراقي بكيت



    عمر الحكي ماكان باب ولا ابتدى بقولة تعال

    لاجل اتجاه رجفة حروفي الا مني حكيت



    الحال في بعدك قسم بالله مااسميه حال

    انوي على الضحكه واحس اني خطأ لاني نويت



    تصور انك من رحلت اشوف كل جسمي ظلال

    لاشفته امشي ببتعد واثره معي مهما مشيت



    مدام يعني في بحرك لفرحتي مليون جال

    وش فيك موجك ماركد قربت اموت ومارسيت



    يرضيك ماعادت معي تفرق اذا جالك مجال

    لانك اقتنعت انك نهايه واني ببطي مابديت



    صرت اعقد حجاجي اذا جابوك باطراف الجدال

    وانا قبل لقالوا اسمك كني ميت ثم حييت



    تعبت اعيش الدور وافتح للماعبير الخيال

    واتخيل اني جيت في بالك وبإنك استحيت



    وتردي لي كلك وله وتقول كن البعد طال

    ومن الفرح ماعاتبك واقول ياخي مابغيت







    قلي شسوي فيك وانت بداخلي اصدق مثال




    للحب واحساس القصيد ان عانق الليل وسريت



    ربي يصبرني على الفرقى مادام الحظ مال

    وانت بيجي لك يوم تعرف ليه في بعدك شكيت



    اذا بلاك الله وعذبك اشتياقك بس تعال

    واقرا القصايد في غيابك كلبوها بيت بيت



    بتدري ان اصعب سؤال اللي يجي رده سؤال

    لاقلتي لي وش ذكرك ثم قلتلك متى نسيت


    المواضيع المتشابهه:

Powered by vBulletin® Copyright ©2000 - 2017, Jelsoft Enterprises Ltd.
SEO by vBSEO

تصميم النور اونلاين لخدمات الويب المتكاملة