Thread Back Search

مرثية الشاعر رامي العتيبي 2013 ، Short Poem 2013

اضافه رد
  • 7 - 2 - 2013 | 3:44 PM 1051 الصورة الرمزية سمسمه سمسمه
  • مرثية الشاعر رامي العتيبي 2013 ، Short Poem 2013



    أشيل من الحزن حملٍ تثاقـل تنقلـه أجيـال
    وأنا ماينفطر قلبي كثر حزني علـى أمثالـك
    تذكرتك بعد موتك بكيتـك وإنكسـر رجـال
    ونثرت بمجلسك قصيدة وجد لوصالك
    أخايل طيفك بعيني وأنزلهـا قـدر وإجـلال
    لأنك عايـش بقلبـي ورب الكعبـه لحالـك
    ثلاث شهور من لحظةرحلت وأخلفت الأحوال
    أشوفك بس بأحلامي وتبكينـي علـى فالـك
    غيابك موتي بغيابك كأنه صيف دون ظـلال
    أدور لك من الذكرى بقايا رسـوم لأطلالـك
    رثيت الطيب من بعدك عسير وصار ماينطال
    أحسه مات مع موتك بعد ماغابـت أفعالـك
    أحس الأرض من تحتي تنافض يابو زيد زلـزال
    وأقول الحزن مارافق بهالدنيا سوى عيالـك
    بكت سجادتك فقـدة جبينـك كـل ماينهـال
    بسجودٍ طابع الهامه علامه لطيّـب أعمالـك
    ليامن صوت نجرٍك دق أحـس بدقتـه مـوال
    ضيوف الطيب تجي تركض تبغى تذوق من دلالك
    رحلت وكل ماباقي حكايـا تنضـرب بأمثـال
    وقصايد كل من حبك حزينـه حيـل ترثالـك
    تذكرتك كثر نـورٍ يشـع بوجهـك ويختـال
    تذكرتك كثر ناسٍ نسـوك وكانـوا رجالـك
    تذكرتك كثر نـاسٍ رفعتـه للنجـوم وطـال
    وأشوفه من بعد موتك تنكّر فزعـة عقالـك
    لك الله مابكاك إلا يتيم وكنـت راس المـال
    بكى لين إنعمت عينه حزن لغياب مرسالـك
    لك الله مافقدك إلا رفيـقٍ ظامـه الترحـال
    تحدته الطغاة اللّـي بموتـك خانـوا ظلالـك
    لك الله يابو زيد مابه بعد موتـك رجـال
    أظن المرجله ماتت بعد ماغابت أفعالك
    خذاك المـوت لكـن الوفـا ياسيـدي لازال
    عسى الرحمن يغفرلك على أقوالك و أعمالك
    كذا خانتني الدنيا وخلتني حزين البال
    لوأدري بموعد الفرقـا فـلا جرّبـت فنجالـك


    المواضيع المتشابهه:

Powered by vBulletin® Copyright ©2000 - 2017, Jelsoft Enterprises Ltd.
SEO by vBSEO

تصميم النور اونلاين لخدمات الويب المتكاملة