Thread Back Search

وصفة بريانى الدجاج 2013 ، Chicken Beryany 2013

اضافه رد
  • 19 - 4 - 2013 | 9:49 PM 743 الصورة الرمزية سمسمه سمسمه

  • وصفة بريانى الدجاج 2013 ، Chicken Beryany 2013





    المقادير:


    4 طماطم مقطعه مكعبات "وسط"
    3 بصلات شرايح
    ثوم و زنجبيل مهروسين
    زيت
    رز
    بهارات مشكله نحنا نسميه بزار
    ليمون يابس
    شوية قرفه - زعفران- (هيل ناعم + حبات) - مسمار
    ماي ورد شوي
    ملح و فلفل اسود( ناعم + حبات)

    ديايه او ديايتين حسب عدد افراد البيت مقطعه لاربع قطع لكل ديايه
    شوية زبدة
    كمون لزينه

    طريقه الحشوة:

    نحط شوية زيت في الجدر نضيف البصل و نقليه لين يصير لونه بني بعدين نضيف الطماطم + شوية ملح+ شوية بزار + بودرة هيل+ معجون الثوم و الزنجبيل + فلفل اسود ناعم + و نخلط و نتركه على جنب.

    اذا حابين تضيفون جزر مبشور ممكن تضيفونه مع الحشوه ( اختياري)

    طريقة الرز:

    مع الرز نضيف ملح + عود او عودين قرفه + حبات هيل+مسمار+فلفل اسود حبوب .. ما نخلي الرز يستوي بالكامل ما اعرف كيف اشرح .. بعدين نحط الرز في مشخله و نكب الماي نضيف على الرز شوية زبده + زعفران + شوية ماي ورد.

    طريقة الدياي:

    نفور الدياي في ملح و ليمون يابس .. لكل ديايه حبة ليمون .. شوية بزار .. لما ينشف الماي .. نقلي الدياي شوي عشان يتحمر

    الطريقة النهائية:

    اولا ناخذ نص مقدار الحشوه و نخليه على طرف ..نستخدم جدر الحشوه .. على الحشوه الباقيه في الجدر نضيف نص كمية الرز + و نحط الدياي+ بعدين الحشوه اللي خذناها على طرف نضيفها فوق الرز و الدياي نضيف الرز الباقي فوقها و نزينه بورقات الكمون .. نسكر عليه .. نحط على الفرن هذاك الشي المدور الثقيل اللي حجمه كبير يسوون عليه الخبز نحطه على الغاز .. و نحط فوقه الجدر .. و نوطي على النار .. نخليه مدة عشر دقايق.

    الهدف ان ما نحط الجدر على النار على طول حتى لو وطينا النار .. ان الحشوه اللي في قاعت الجدر ما تحترق




    المواضيع المتشابهه:

Powered by vBulletin® Copyright ©2000 - 2017, Jelsoft Enterprises Ltd.
SEO by vBSEO

تصميم النور اونلاين لخدمات الويب المتكاملة