Thread Back Search

نعم .. كرهت الحب ....

اضافه رد
  • 22 - 3 - 2012 | 11:13 PM 1804 الصورة الرمزية LǾlǻ LǾlǻ
  • السلااااااااااااااااااام عليكم
    جبتلكم النهاردة قصة جديدة

    ااسمها نعم كرهت الحب ...

    ياريت انها تعجبكم

    ونبدأ


    يتفتح الباب..

    محمد: ايه يامعتز..سرحاان فى ايه؟؟
    معتز وهو بيبص من الشباك:لا يامحمد سامعك..
    محمد:طب بص بقى ياسيدى..ده السى فى بتاااااااع المهندسه الجديده اللى اسمها نوران..وكمان المهندسه اللى اسمها هدى..
    معتزه:تمام..عملت معاهم انترفيو؟؟
    محمد:اه..اختارتهم من بين 10 كانوا متقدمين..بصراحه عجبونى جدااااااا..
    معتز:طب كويس..وبعدين!!!
    محمد:مفيش ..هيبتدوا ان شاء الله من بكره..
    معتز:طب وبالنسبه للمشروع الجديد؟؟
    محمد:اى مشروع؟؟
    معنز:مشروع قرية شرم الشيخ..
    محمد:ااااه..انا قولت نختبرهم بالمشروع ده..
    معتز:تقصد انهم هيكونوا معانا؟؟
    محمد:اه..ليه لأ..انت عارف ان بيبقوا لسه متخرجين بيبقوا مليانين حماس.. زينا كده اول لما اتخرجنا..ولو فعلا عجبونا هيبقوا معانا فى كل المشاريع..انت عارف اننا محتاجين مساعدين...
    معتز:اوك..ربنا يقدم اللى فيه الخير..

    معتز...خريج كلية هندسه..26 سنه..طموح جداااااا...بيحب شغله اوووى..وفعلا قدر فى فتره قصيره انه يبقى مدير فرع الشركه اللى هو شغال فيها... طيب جدااااااا...بس مشكلته الوحيده انه عصبى اووووى...وممكن يخسر ناس كتييير لو فهم اى موضوع غلط واتسرع فى قراراته..رافض فكرة الارتباط عموما..وبيقول انها كلام فااارغ...حياته كلها بين شغل وبيت..

    محمد..صديق معتز الوحيد من وهما لسه صغيرين ..عارف صاحبه كويس اوووى علشان كده بيتحمله فى كل اوقاته وده السبب ان صداقتهم لسه مستمرة..هو كمان 26 سنه ومتخرج من هندسه برضو..ومسك ادارة فرع الشركه مع معتز...محمد بيحب الخروج والسهر والفسح غير معتز تماما..بيحاول يغير من معتز ..رغم انه فشل كتير فى كده بس برضو مستمر فى المحاوله..


    تانى يوم...يوصل محمد ومعتز الشركه سوا..
    محمد:طب سلام انا بقى...هروح على مكتبى..ولو فى اى حاجه بلغنى بالتليفون..
    معتز:اتفقنا..
    ويدخل كلا منهما مكتبه..وبعد شويه...تليفون محمد يرن..وكانت السكرتيره..
    محمد:الو
    السكرتيره:ايوه ياباشمهندس..المهندسه هدى وصلت ..اخليها تدخل لحضرتك؟؟
    محمد:اه خليها تدخل..
    وبعد شويه تخبط هدى على الباب..
    محمد:اتفضل
    هدى:السلام عليكم ياباشمهندس..
    محمد:وعليكم السلاااااااااااام ياباشمهندسه..اتفضلى..
    هدى وهى بتقعد:ميرسى..
    محمد:واضح انك مستعجله على الشغل..
    هدى وهى بتبتسم:اكيد طبعا..
    محمد:طيب فين المهندسه نوران؟؟
    هدى:نوران على وصول..هى بس اتأخرت شويه..
    محمد:توصل بالسلامه ان شاء الله...بس ياريت نلتزم بمواعيد الشغل..
    هدى:معلش اصل نوران ظروفها مختلفه شويه...
    محمد:مش فاهم!!
    هدى:معلش انا مقدرش احكى حاجه..دى حاجه تخصها...بس ممكن حضرتك تسألها..
    محمد وهو بيبص لهدى بنظره اعجاب:لا لا عادى..انا احترم فيكى احترام خصوصيات صحبتك..
    هدى:ربنا يخليك..
    محمد:هو انتوا اصحاب من زمااان؟؟
    هدى:اه..من واحنا صغيرين اووووووى...اصلا كنا جيران..بس نوران نقلت ..بس فضلنا اصحاب..
    محمد:زى انا ومعتز يعنى!!
    هدى: معتز؟؟
    محمد:ااه..ماانا نسيت اقولكوا ان معايا فى ادارة الشركه هنا المهندس معتز..
    هدى:ربنا يخليكوا لبعض..
    محمد:ربنا يكرمك..
    ويفضلوا ساكتين...وبعد شويه تتصل السكرتيره..
    السكرتيره:المهندسه نوران وصلت ياافندم..
    محمد:خليها تدخل..
    وتخبط نوران على الباب ..
    محمد:اتفضل
    نوران:السلام عليكم ..اسفه جدا على التأخير..
    محمد وهدى:وعليكم السلام
    محمد:لا مفيش حاجه..بس ياريت بعد كده نلتزم بالميعاد...لأن المهندس معتز صاحبى بيحب ااوووى الالتزام بالمواعيد..
    نوران:ان شاء الله..
    محمد:طب اسيبكوا انا ثوانى...
    نوران وهدى:اتفضل
    هدى:ايه يانور..اتأخرتى كده ليه؟؟
    نوران وهى بتحاول تاخد نفسها:اعمل ايه بس ياهدى؟؟ انتى عارفه انه مينفعش انزل غير لما اتأكد ان ماما اخدت الادويه بتاعتها..وكمان اجهزلها الفطار..انتى عارفه ان ملهاش غيرى بعد موت بابا الله يرحمه
    هدى:ربنا معاكى يانوران ويعينك...بس حاولى تجهزى كل حاجه قبل ماتنزلى وتسيبيها جنبها..كده مش هينفع...واضح كده ان فى مهندس تانى اسمه معتز ومن الواضح كمان ان طباعه صعبه اوووى..حاولى على قد ماتقدرى تظبطى نفسك...
    نوران:ان شاء الله
    وفى الوقت ده يدخل محمد
    محمد:انا بقول دلوقتى نجهز علشان هتتعرفوا على المهندس معتز..
    نوران وهدى بصوا لبعض بقلق:اوك..جاهزين..
    ويخرجوا مع محمد من مكتبه ويتجهوا لمكتب معتز...


    ياترى ايه اللى هيحصل هنااااك..
    هنعرف ان شاء الله الحلقه الجايه...


    المواضيع المتشابهه:

  • 24 - 3 - 2012 | 1:44 PM 1804 الصورة الرمزية LǾlǻ LǾlǻ
  • يخبط محمد على الباب وبعدين يفتحه ويدخل...
    محمد:سلااااااااااااااام عليكم يابشمهندس...احب اقدملك المهندسه نوران والمهندسه هدى..اللى اتعينوا جديد معانا فى الشركه...
    معتز وهو ببص فى ورق فى ايديه ومن غير ما يرفع عينه:وعليكم السلام...اهلا بيكم...نورتوا الشركه..
    هدى ونوران بصوا لبعض باستغراب
    هدى:ده نور حضرتك والمهندس محمد اكيد...
    محمد وهو مبتسم:ميرسى ياهدى
    مردش معتز ولااااااا كأنها بتقول اى حاجه...
    محمد:اتفضلوا ياجماعه..
    وقعدوا الاربعه..وابتدا محمد يشرح نظام الشغل...وهدى ونوران مركزين معاه اوووى..ومعتز معاهم بس بيبص على الورق اللى فى ايديه...ونوران من وقت للتانى كانت تخطف نظره لمعتز..
    محمد:ده تقريبا نظام شغلنا...وفى الوقت الحالى المفروض هنستلم مشروع قريه فى شرم الشيخ..والمهندس معتز هيسافر ان شاء الله بعد يومين يتفق مع صاحب القريه...
    هدى:بالتوفيق ان شاء الله..
    محمد:فى حاجه كمان...ان شاء الله هدى هتكون معايا ونوران مع معتز...وده طبعا شامل السفر والكلام ده..
    نوران:سفر؟؟؟
    معتز ومن غير ما يرفع عينه:اه...فى مانع؟؟؟
    نوران:اصل...
    معتز مقاطعا نوران:اعتقد ان محمد المفروض يكون عرفكم ان عندى فى الشركه مبقلبش اى اعتذارات..اى شخص يتقدم لاى وظيفه...يبقى يكون كفيل بكل حاجه فيها...ولا مكنش اتقدم اصلا..
    اندهشت نوران وهدى من الاسلوب ومنطقوش ولا كلمه...وقام معتز وقال
    معتز:وقت الاجتماع خلص..تقدروا تشوفوا شغلكوا..
    وسابهم معتز وخرج..
    محمد:معلش ياجماعه..بس معتز اسلوبه شديد شويه...
    نوران:شويه؟؟؟
    محمد:معلش لازم نتحمله...بس هو طيب اوووى والله..
    وسابهم محمد وخرج..وقامت نوران وهدى ..متجهين لمكتبهم..
    نوران:دى قلة ذوق بجد...يعنى ايه مفيش اعتذارات..مين فينا معندوش ظروف خاصه..
    هدى:شخصيه غريييييييبه فوق الوصف..ده حتى مرفعش عينه فينا...زى ما يكون مش طايقنا اصلا..
    نوران:وده انا هتعامل معاه ازاى؟؟
    هدى:بجد يانور ربنا يكون فى عونك...
    نوران:انا مش هقدر اتحمل الاسلوب ده فى التعامل ياهدى..
    هدى:يعنى؟؟
    نوران:لو استمر الاسلوب ده..انا هقدم استقالتى..
    هدى:ايه يابنتى اللى بتقوليه ده...احنا عارفين كويس من قبل ما نشتغل اننا معرضين لحاجه زى دى..
    نوران:لالالالالا ياهدى...بس مش بالطريقه دى...
    هدى:ياستى..سيبيها على ربنا...
    نوران:ونعم بالله..
    على الجانب الاخر.....
    محمد:ايه يامعتز الاسلوب ده فى التعامل...
    معتز:مش فاهم...تقصد ايه؟؟
    محمد:اسلوبك يااخى فى ردك على نوران..هى البنت غلطت؟؟ولا حتى لحقت تكمل كلامها؟؟
    معتز:محمد..هو ده نظام الشغل معايا..
    محمد:الرحمه ياباشمهندس...الله اعلم بظروف كل واحد..
    معتز:مفيش حاجه اسمها رحمه معاهم...دى لو قولتلها ماشى..ولو فى عندك مشاكل ممكن نتساهل معاكى..هتلاقيها زادت فيها...ومش بعيد تيجى فى يوم وتقولك انا مش هاجى الشركه غير اقبض مرتيى وبس..
    محمد:ليه كده يامعتز؟؟؟؟ليه؟؟؟ انت بجد غير معقول..حرااام عليك...صوابعك مش زى بعضها يااخى...ياخوفى تطلع ظالمها..ووقتها..حسابك عند ربنا هيكون كبييييير...
    معتز:لا متقلقش...احنا اللى دايما مظلومين..
    محمد وابتدا يتنرفز:فى ايه يامعتز...فوق بقى..ايه الاسلوب اللى انت عايش بيه ده...مش معنى ان واحده طلعت واطيه معاك وادتك على دماغك يبقى كلهم كده..
    معتز بغضب:حاسب على كلامك يامحمد...
    محمد:لا مش هحاسب..مش كل البنات زى الست رانيا...مش معنى ان بنت كانت بتستغلك ومثلت عليك الحب وطلعت فى الاخر واطيه...يبقى كل البنات زيها..
    معتز:قولتلك مليون مرة قبل كده يامحمد متتكلمش فى الموضوع ده...
    محمد:لا لازم اتكلم فيه بقى...علشان لازم تواجهه..ارحم نفسك وارحمنى معاك يااخى..ده انا صاحبك مبقتش متحمل اللى انت فيه..انت متحمله ازاى؟؟؟
    خرج معتز وساب محمد لوحده...حس محمد بفرحه كبيره انه قدر يواجه صاحبه اخيرا ...اما معتز نزل ركب عربيته واتمشى فى الشوارع شويه وبعدين رجع على مكتبه...قعد معتز على مكتبه..ورجع دماغه لورا وغمض عينه..وافتكر اول مرة شاف فيها رانيا...كان بعد ما استلم شغله باسبوع..وكان هو محمد قاعدين فى النادى...وابتدا معتز يفتكر الحوار..
    محمد:ايه يابنى...بتبص على ايه؟؟
    معتز:بنت زى القمر يامحمد..
    محمد:فين دى؟؟؟
    معتز:اهى جايه علينا..
    يلتفت محمد..
    محمد:اه...دى بجد زى القمر..غريب ان فى واحده تلفت انتباهك...ده انت معملتهاش واحنا فى الجامعه..
    معتز وهو بيبص على رانيا:مش عاااارف..
    محمد:طب ماتقوم تتعرف عليها...
    معتز:لا ميصحش..
    محمد:انت عايز تجننى يابنى...واحده عجباك..قوم اتعرف عليها..
    معتز:لالالالالالا....بصراحه معنديش الشجاعه...وبعدين اروح اقولها ايه؟؟ اقولها انا شفتك من 5 دقايق بس وعجبتينى وعايز اتعرف عليكى..
    محمد:خلااااااااااص براحتك...بس متجننيش انا بقى...عايز تكلمها قوم كلمها...غير كده مسمعش صوتك...
    ومرت الايام...وكان معتز بيشوف رانيا كل يوم فى النادى...وكل يوم كان بيحس انه بيتعلق بيها اكتر واكتر...وفى يوم..
    محمد:مالك يامعتز...قالب وشك ليه ياعم؟؟
    معتز:بقالى فتره مشفتهاش يامحمد...بقالها فتره مختفيه...
    محمد:هى مين دى؟؟؟
    معتز:البنت اللى كنت حكيتلك عنها..
    محمد:ياااااااااااه...ده انا كنت نسيت الموضوع ده..انت لسه بتفكر فيها...
    معتز:شغلانى وشاغله تفكيرى يامحمد...مش عارف اعمل ايه؟؟
    محمد:ده الموضوع بجد بقى..
    معتز:واضح كده..
    محمد:طب وبعدين؟؟
    معتز:بقالها 3 ايام مختفيه خااااالص...
    محمد:يمكن بتيجى وانت مبتشوفهاش..
    معتز:لالالالا انا متأكد انها مبتجيش اصلا...
    محمد:يامركز انت
    معتز:مش وقت تريقتك خااااااالص...
    محمد:خلاص خلاص...بس نصيحه منى..لما تيجى.روحلها ياعم وكلمها وريحنا بقى...
    معتز:بس هى تيجى بس...وانا وعد منى اكلمها علطول...
    محمد:ماشى ياعم الواقع..
    وبعد حوالى 5 ايام..كان معتز قاعد فى النادى..وفجأه حس ان روحه رجعت ليه..وقال
    معتز:محمد...محمد..
    محمد:هااااا...
    معتز:جت...جت يامحمد..
    محمد:طب يللا قوم..مستنى ايه؟؟
    ويستعد معتز ...ويقوم ويتجه ناحية رانيا...وكانت رانيا فى اليوم ده واقفه على بتتفرج على الاطفال الصغيرين وهما بيلعبوا...قرب منها معتز..
    معتز وهو متلخبط:مساء الخير
    رانيا وهى بتلتفت:مساء النور..
    معتز:ان اسمى معتز
    رانيا:عارفه
    اتفاجأ معتز..وقال
    معتز:عارفه؟؟؟ عارفه منين؟؟
    رانيا وهى بتبتسم:عارفه وخلاص بقى..
    حس معتز انه طاير فى السما لما رانيا ابتسمت..
    معتز:طب..طب متشرفتش باسم حضرتك؟؟
    رانيا:رانيا...اسمى رانيا..
    معتز وهو مش حاسس بنفسه:اسمك رقيق اووووى
    رانيا وهى بتضحك:ميرسى..
    معتز:هو انا ممكن اسأل حضرتك سؤال؟؟
    رانيا:اوى اوى..
    معتز:بصراحه كده انا متابعك من زمان..وبقالك فتره مختفيه...لعل المانع خير!!
    رانيا وابتدت تعيط:اه فعلا...اصل ماما تعبانه اوووى..وانا اوقات ببقى لازم افضل جنبها..
    معتز وابتدا يتجنن لما شاف دموع رانيا:بس بس..متعيطيش طيب...الف سلامه عليها..وان شاء الله تقوم بالسلامه..
    رانيا وابتدت تقرب منه اووى:الله يسلمك..
    كل ده ومحمد مركز معاهم من بعيد..ومستغرب اوى من تصرفات البنت دى..وبيكلم نفسه..
    محمد:ايه ده؟؟ازاى البنت دى تقرب من حد متعرفوش كده؟؟
    نرجع بقى لمعتز ورانيا
    معتز:لو احتجتى اى حاجه ياريت متتردديش تطلبى منى..وممكن تاخدى رقمى لو مفيهاش ازعاج...
    رانيا:لا لا ابدا...انا بجد محتاجه لصديق اشكيله همومى..ولو مفيهاش ازعاج ممكن انت كمان تاخد رقمى علشان لو احتجت حاجه واتصلت بيك تبقى عارف ان انا...اصل انا اوقات ببقى محتاجه حد يسمعنى ..
    معتز وهو فرحان:ده شئ يشرفنى..
    فى الوقت ده..جت بنت ونادت على رانيا...
    رانيا:طب انا هشوف امنيه صحبتى عايزه ايه..خلى تليفونى معاك..سجل رقمك عليه لغاية لما اجى...
    اخد معتز التليفون وهو فرحاااان...وقرر يسجل رقمه على تليفونها..بس قال انا هرن عليا من عندها علشان بالمرة اخد رقمها...

    ياترى ايه اللى هيحصل بعد كده؟؟؟
    هنعرف الحلقه الجايه ان شاء الله...


Powered by vBulletin® Copyright ©2000 - 2017, Jelsoft Enterprises Ltd.
SEO by vBSEO

تصميم النور اونلاين لخدمات الويب المتكاملة