Thread Back Search

انا مش اخت حد ..

اضافه رد
  • 26 - 3 - 2012 | 9:00 PM 962 الصورة الرمزية حياتى معاك حياتى معاك
  • [ALIGN=CENTER][TABLE1="width:55%;background-image:url('http://www.qlbna.com/vb/mwaextraedit4/backgrounds/196.gif');border:6px double burlywood;"][CELL="filter:;"][ALIGN=center]
    في الآونة الأخيرة، ومن خلال تأملاتى الفيسبوكية، لاحظت حتمية وجود كلمات معينة فى نهاية كل جملة، كلمات عاملة زى الختم كده، يعنى تلاقى واحد كاتب لواحدة على الـwall وحشتينى ونفسى أشوفك وبين قوسين "يا أختى العزيزة أو يا ابنتى الغالية"!













    طاب بجد بقى سؤال واقف عندى فى الحنجرة: هو إحنا ليه قاعدين نضحك على بعض؟ بقى فيه حد بيقول لأخته وحشتينى ونفسي أشوفك برضه؟ ده أنا أخويا لما بيقول لى "صباح الخير" مصحوبة بكلمة "يا أحلى أخت فى الدنيا" بقلق وأقول فى سرى "استر يا رب ليكون فيه مصيبة!ّ"

    ومن هذا المنطلق أقول: ابشري يا عزيزتى حواء.. فلديكِ كذا مليون أخ، وما أعرفش كام مليون عم وخال، وما لحقتش أعد كام مليون أب، وأى عدد من الملايين لأى صلة قرابة ما توقّعش آدم فى تدبيسة!!

    ومن الآخر يا عزيزتى حواء، اللي معظم الوقت ساذجة، أحب أقول لك على اللي فيها، فهذا الأخ المزعوم لما يقول لك يا أختي، اعرفي إنه بيفكر في حاجة من اتنين، يا إما عاوز يتكلم كلام مش من حقه يقوله زى "وحشتينى، هشوفك إمتى، عملتى إيه النهارده؟" ما هو أخوكي بقى ومن حقه يتطمن عليكى!

    يا إما حاسس إنك بترسمى عليه وعاوزة تدبسيه، أمال إيه! ما هو كل ولد دلوقتى حاسس إنه لقطة -حتى لو أحول ومناخيره مكسّحة- والبنات كلها ياعينى واقعة ومش لاقية!

    بس أرجع وأقول إن الولد اللي بيعمل كده، عنده حق، ما هو كل شوية لاقى بنت قاعدة تحوّر عليه، وهو أصلا مش لاقى ياكل!

    والبنات كمان معذورين، طول الوقت خايفين الزمن يجرى بيهم، ويكبروا في السن، ويلاقوا نفسهم لوحدهم، وكمان ياخدوا لقب بايخ، ما أعرفش جه منين، اسمه العنوسة!

    أنا فاهمة كل ده، وكمان متعاطفة مع شباب جيلى -اللي أنا منهم- بس أنا برضه ضد تسمية الأشياء بغير مسمياتها.

    وعشان كده.. أنا مش أخت حد، زميلتك ممكن، صديقتك جايز، بني آدمة بتحترم دماغها ماعنديش مانع، لكن أختك، وهنتخطى الحدود، يبقى لأ، وما تستعبطش، أنا ماعنديش غير أخين بس... ومش عاوزة تانى.
    [/ALIGN][/CELL][/TABLE1][/ALIGN]

  • 14 - 4 - 2012 | 12:38 PM 962 الصورة الرمزية دموع الصمت دموع الصمت
  • طيب مش حقول
    مشكورة يا اختي
    او الكلام عن الشباب بس
    عموما مشكورة على الموضوع
    وفي انتظار المزيد منك


  • 14 - 4 - 2012 | 1:28 PM 962 الصورة الرمزية monY monY
  • موضوع جميل وعندك حق
    تسلمى ع الموضوع ياقمر

  • 17 - 4 - 2012 | 9:10 PM 962 الصورة الرمزية ألًأ دٌمَـ عُ ــة أمَيُ ألًأ دٌمَـ عُ ــة أمَيُ
  • ههههههههههههههه والله مووع جاامد جدااا

    وياريت الكل ياخد باالوو منووو

    نشكرك على صراحتك وجراتك

    لا عدمناا تواجدك

    نوفاا

  • 17 - 4 - 2012 | 9:18 PM 962 الصورة الرمزية زهرة اللوتس زهرة اللوتس
  • هو ايه ده يااختى
    اوعى تفهمينى غلط
    ههههههههههههههههههه
    بجد ياقمر انتى موضوع جاااااااااااامد
    تسلم الايادى والقلوب عليه
    ولو تحبى اسحب اختى ماعنديش مانع
    انتى تؤمرى ياغاليه
    تقبلى مرورى والنبى ههههه


  • 20 - 4 - 2012 | 2:55 PM 962 الصورة الرمزية monY monY
  • يسلمووووو حبيبتى
    موضوع رائع
    دمتى لنا

Powered by vBulletin® Copyright ©2000 - 2017, Jelsoft Enterprises Ltd.
SEO by vBSEO

تصميم النور اونلاين لخدمات الويب المتكاملة