Thread Back Search

قصه تهتز لها المشاعر بدأت بلعبه و انتهت بمآساه فتابعو !

اضافه رد
  • 28 - 3 - 2012 | 3:44 AM 1171 الصورة الرمزية ALOL_2010 ALOL_2010
  • قصه تهتز لها المشاعر بدأت بلعبه و انتهت بمآساه فتابعو !

    |
    |
    |
    |
    |
    |
    بداء الحوار بينهم

    هى: كل صحباتى مرتبطين و إحنا آخر إتنين مش مرتبطين و كل واحد فينا عايش من غير حبيب

    هو: اه .. مش عارف أعمل إيه ؟

    هى: أنا عارفة .. تعالى نلعب لعبه

    هو: لعبة إيه ؟

    هى: تعالى نرتبط لمدة 30 يوم , أبقي حبيبتك فيهم و تبقي حبيبى فيهم لحد ما ال30 يوم يخلصوا

    هو: مممم , فكره حلوه و انا كده كده فاضى طول الفتره اللى جايه

    اول مرة يخرجو :
    دخلوا السينما لأول مرة مع بعض و مسكوا إيدين بعض و هما بيتفرجوا عالفيلم الرومانسى

    ثاني مرة يخرجو :
    راحوا شاطىء البحر و إتفسحوا هو وهى عاشوا وقت مميز في اليوم ده

    ثالث مرة يخرجو :
    عزمها عالسيرك و علي بيت الرعب وهى كانت خايفه أوى و حاولت تمسك إيده بس غلطت و مسكت إيد واحد تاني و فضلت تضحك هي و هو عالموقف ده

    رابع مرة يخرجو :
    راحوا للعراف و سئلوه عن حظهم العراف قال لهم : حبايبى متضيعوش لحظه من حياتكم و عيشوا حياتكم في سعادة مع بعض بعديها عين العراف دمعت و قال لهم إمشوا

    خامس مرة يخرجو :
    هى عزمته عشان يروحوا الهرم و إتفرجوا هناك على الخيل و هو بيجرى هى همست ساعتها بكلام بس هو مسمعهوش

    المرة السادسة :
    ركبوا باص و بسبب الطريق المتعرج الباص عمل حادثه و مكان أول مره تبوسه عشان إتجرح

    و في اليوم 29 :
    الساعه 11:27 p.m
    فاضل 33 دقيقه و ال30 يوم يخلصوا

    هو و هى قاعدين فى نفس المكان إللى كانوا قاعدين فيه من 30 يوم ساعت ما إتفقوا يلعبوا اللعبه دى

    هو : انا عطشان .. تحبى تشربى حاجه ؟

    هى : شكرا .. يا ريت سفـن اب

    هو : حاضر .. إستنينى مش حتأخر

    20 دقيقة عدت لحد ما لقت واحد غريب بيكلمها

    الغريب : إنتى صاحبة صاحب الرقم دا ؟

    هي : اه ليه فيه إيه ؟

    الغريب : سواق عربيه خبطه و هو في المستشفى حالته وحشه أوى

    الساعه 11:57 p.m :
    الدكتور خرج من غرفة الطوارىء و كان فى إيده إزازة سفـن اب و جواب

    الدكتور : إحنا لقينا الحاجات دى معاه

    قرأت الجواب و كان بيقول :

    الجواب ده انا كتبته من كام يوم انا لقيتك إنسانه رقيقه و حلوه أوى و لقيت نفسى بحبك بجد من غير ما أحس إبتسامتك اللى حبتها عمرى ما حنساها و كل حاجه حصلت بينا فى لعبة ال30 يوم خليتنى أحبك أوى و قبل ما ال30 يوم يخلصوا أتمنى إنك تكونى حبيبتى بجد لآخر يوم فى عمرى .. بحبك ..

    كرمشت الجواب و دخلت غرفة الطوارىء و صرخت و عنيها كلها دموع :

    مش عيزاك تموت انا بحبك فاكر يوم ما رحنا الأهرامات ساعتها انا همست بكلام إنت مسمعتهوش انا كنت بتمنى ساعتها إننا نفضل مع بعض للأبد و نفضل مستمرين فى اللعبه لآخر يوم فى حياتنا أرجوك متسبنيش حرام عليك متعملش فيا كده

    ساعتها الساعه دقت 12:00 a.m :

    قلبه بطل يدق و كانوا 30 يوم زى ما إتفقوا بالظبط

    أعطى كل المشاعر لمن تحب إجعله يشعر أنه أغلى من الدنيا لأنه عندما يرحل ستحزن عليه أشد الحزن و سيكون وقت المشاعر قد فات أوانه

    إذا كنت أغضبته إذهب إليه و أرضيه حتى لو كان رضاه على حساب سعادتك

    إحتويه داخلك و ضمه إليك و حافظ عليه قبل أن يصبح ذكرى ,,,,,,

    المواضيع المتشابهه:

  • 28 - 3 - 2012 | 7:52 PM 1171 الصورة الرمزية ألًأ دٌمَـ عُ ــة أمَيُ ألًأ دٌمَـ عُ ــة أمَيُ
  • ايه القصه دي يا علي


    جميلة وغريبة وحزينه في نفس الوقت

    تسلم ايدك انتقااء رائع جدااا

    مستنين جداا بفارغ الصبر

    وتقبل مروري نوفاا

  • 28 - 3 - 2012 | 9:37 PM 1171 الصورة الرمزية ALOL_2010 ALOL_2010
  • مشكور نوفا على كلامك الجميل ده منك تعلمنا ومنك نتسفيد

  • 28 - 3 - 2012 | 10:50 PM 1171 الصورة الرمزية ẐเẕỊ žσẒỠ ẐเẕỊ žσẒỠ
  • قثه رائعه وجميله
    تثلم يارب ربنا يخليك
    ودام لنا قلمك الرائع
    المثيطر على عقولنا



Powered by vBulletin® Copyright ©2000 - 2017, Jelsoft Enterprises Ltd.
SEO by vBSEO

تصميم النور اونلاين لخدمات الويب المتكاملة