Thread Back Search

قصيدة دين ابوهم

اضافه رد
  • 5 - 4 - 2012 | 9:21 PM 3353 الصورة الرمزية بوسى بوسى
  • قصيده رهيبه
    دين ابونا يامسلمين فى يقينى اعز دين
    كلمة النور الامين كلمة الحق المبين
    حكمه يكتبها الاله فوق جبين الطيبين
    دين ابونا يامحمد انت سره ومبتداه
    انت احساسه ومداه دقه عارفينها ف قلوبنا لما نخشع لاله
    لما نطلب يوم رضاه لما نركع لما نسجد
    لما نفرح بالحياه
    دين ابونا ابراهيم رش جمر النار حنين
    عالخرايط والاماكن اتولدنا طوافين زاكرين
    دين ابويا لو مسيحى رحمه لاجل العالمين
    نصرة لاجل المظلومين
    كلمة الحب اللى بايس الصليب جوة الكنايس
    ندهة الاجراس لمريم والامان للمجدانيه
    رحمه ليكوا ورحمه ليا
    المسيح شايل الامنا لاجل يهدينا السلام
    خد ايمن خد ايسر العباده ماهيش كلام
    عيش باسم الانسانيه وانسى نيه تدفعك للانتقام
    دين ابويا دين الهى اينما كان اتجاهى
    حتى لو كان دين يهودى
    احنا مش ضد اليهود
    موسى فى القران وليد يحضنوا نيل الخلود
    بين ايديه تسعى عصاتوا حيه وجدودنا شهود
    سحره امنوا برب موسى انقسملوا بحر عاتى والجبل عرف السجود
    رجعت الحيه عصايا حضنت التوراه وصايا
    اوعى تقتل
    اوعى تسرق
    اوعى تزنى
    اوعى تقبل بالخضوع
    بحر خير الكون يواتى لما نفردلوا القلوع
    والجحيم ياكل سننكم لو فقير فيكم يجوع
    الوصايا هى هى
    ارتضيها زى ماهى فى ضميرى وفوق شفاهى
    دين ابويا دين الهى اينما كان اتجاهى
    حتى لو كان مش الهى حتى لو كان مش الهى
    المجوسى
    يترعب من النار ويعبد الاله اللى فى خيالوا
    ليه حراموا وليه حلالوا
    تسمعوا ف معبد دعاء تلهموا رعشة رجاء
    للبقر ناس يعبدوه ويدينولوا بالولاء
    مش غباء
    تعرفوا ف البقره ايه بيقدسوه العطاء
    دين ابويا اى دين فيه عصاه او مخطئين
    بس ف نهاية المطاف فيه ملايكه ومؤمنين
    والرضا للصالحين والهنا للصابريين
    فيه ملاز للعابدين الشاكرين المشتاقين رغم الضياع لليقين
    دين ابويا اى دين
    اللى انا بقى ماعرفوش الوحوش الكروش
    اللى لو طالوا رقابينا بينهشوا مابيرحموش
    دين ابوهم اسموا ايه
    اللى داسوا فوق رؤسنا بالبياده
    واللى مشيوا بالبلاد للبلاده
    اللى فتاويهم فساد للعقل يقضى على العباده
    اللى مسحوا من الايات معنى الشهاده
    دين ابوهم اسموا ايه
    لوسوا الدم ف عروقنا سدوا عين الشمس فوقنا
    سرقوا ضوئنا صادروا نيلنا ودفعونا تمن وضوئنا
    دين ابوهم اسموا ايه
    اللى باعوا وطن بحالوا خضرتوا وصفرة رماله
    نسوتوا وشهوة رجالوا بهجتوا ودموا وعيالوا
    خطوتوا وسنين نضالوا ثورتوا ضد احتلالوا
    دين ابوهم اسموا ايه
    مين الهه مين رسوله فين كتابوا
    فيه ملايكه ولا غابوا
    فيه شياطين ولا تابوا لما شافوا التابعين شرهم زاد عن جهنم شر لايمكن حسابوا
    دين ابوهم اسموا ايه
    حتى فرعون اللى صدق انوا من نسل الاله واللى قال انوا الاله
    كان بيبنى الاهرامات للممات قبل الحياه
    كانلوا بعث ويوم حساب كانلوا دوله حضور ادارة
    كان مناره ترشد الكون للحضاره
    كانلوا جيش فارض وجودوا كان محارب بين جنودوا
    واما يتجاوز حدودوا كانلوا رب يغرقوا وينقز يهودوا
    حتى فرعون اللى صدق انه من نسل الاله واللى قال انوا اللى الاله
    كانلوا كهنه فى العلوم
    يقروا فى كتاب الكواكب يرصدوا سير النجوم
    يفتحولوا سكك بيبان فى سراديب الزمان ويقولوا ازاى يدوم
    حنطوه خلدوه بالمعانى والمبانى والرسوم
    كانوا كهنه مؤمنين خلوا كلمة مصر دين
    حضره فى العهد القديم حضره فى العهد الجديد
    حضره فى القران حضور الايات فيها تدور
    مفردة عز وجلال معلنه وبين السطور
    تخترع ثانيه وشهور تخترع شعر وبحور
    حتى فلاحها البسيط شكوتوا بتشع نور
    ايه يامصر
    ايه ياارض الطيبين
    اللى حكموا فى الزمان ده يبقوا مين
    حد فيكوا يعرف اسم دين كل اتباعوا لصوص او قوادين
    فى المعاصى متبتين فى الكراسى مولودين فى التفاهه معددين فى السفاهة مفرودين
    عالبلاهه مسنودين للشراهه مجندين عالقرف متعودين عالشرف متمردين
    عالوطن متنمردين بالخيانه موحدين
    اللى يعرف دين كده يقولى عليه
    دين ابوهم اسموا ايه


    المواضيع المتشابهه:

  • 5 - 4 - 2012 | 9:32 PM 3353 الصورة الرمزية نوور نوور
  • يااااااااااه يا بوسي والله عندك حق ف الى قولتيه

    تسلمى يا قمر ع الطرح الاكتر من رائع

    بس فعلا مش عارفين دينهم دا يبقى ايه

    مش هنقول غير حسبي الله ونعم الوكيل فيهم

    تقبلي مرورى بود


  • 5 - 4 - 2012 | 9:36 PM 3353 الصورة الرمزية بوسى بوسى
  • الله يخليكى يارب وتنورينى دايما
    الف شكر على زوقك

  • 6 - 4 - 2012 | 8:04 PM 3353 الصورة الرمزية دموع الصمت دموع الصمت
  • سلمت يمناك لهذا الطرح
    في انتظار جديدك دائما بشوق

  • 7 - 4 - 2012 | 5:42 PM 3353 الصورة الرمزية ALOL_2010 ALOL_2010
  • تسلم ايدك حببيتى بوسى دوماا التوفيق لكى تحياتى

  • 8 - 4 - 2012 | 6:04 AM 3353 الصورة الرمزية سهر الليالي سهر الليالي
  • يسلمووو ايدك ياقمر
    قصيده جميله
    لاعدمنا جديد يارب



  • 14 - 4 - 2012 | 4:51 PM 3353 الصورة الرمزية ẐเẕỊ žσẒỠ ẐเẕỊ žσẒỠ
  • كلمات فى قمه الروعه
    يا قمر اعجبتنى بشده


Powered by vBulletin® Copyright ©2000 - 2017, Jelsoft Enterprises Ltd.
SEO by vBSEO

تصميم النور اونلاين لخدمات الويب المتكاملة