Thread Back Search

طورطات سهلة و سريعة التحضير من مطبخي بالمراحل المصورة

اضافه رد
  • 12 - 2 - 2012 | 10:41 PM 11551 الصورة الرمزية schoolel7ob schoolel7ob
  • السلام عليكم ورحمة الله وبركاته


    هادي وصفة ساهلة من وصفاتي
    ممكن تحضروها للوليدات او كحلا او ديسير سريع لو جاك شي حد على غفلة
    كتجي مزيونة وسهلة التحضير
    و حتى المقادير متوفرة فكل منزل



    المقادير :

    2 ساشي فلان ( عادي/ فريز او اي نكهات تفضلونها)
    1 لتر حليب
    علب بيمو (سابلي او هنريس او اي نوع تفضلون)
    2 معالق صغيرة قهوة نسكافيه مدابة في كاس ماء
    2 معالق عصير حامض
    فاني للتنسيم
    سكر حسب الذوق
    ملونات و منكهات غذائية للتلوين و تعدد النكهات
    بنان او اي فاكهة متوفرة فالمطبخ للتزيين



    الطريقة :



    نوجدو المول او المولات للي غنعملو فيهم طرطاتنا السريعة


    انا اختاريت مولات صغيرة باش يكون تقديم فردي و متعدد النكهات

    كناخذ بيمو و كنغمسو فخليط النيسكافيه و الماء و 2 معالق حامض (او ممكن تستعملو النيسكافية و الحليب)

    و نستف قطع البيمو فالمول

    و فهاد الوقت كنكون حضرت الفلون بالطريقة المعروفة و العادية

    كنخلط كل ساشي فلان فمقدار نصف لتر حليب مع القياس للي كنفضلو ديال السكر
    و نعملوه يغلا و يفيض فوق العافية


    انا عملت نصف لتر حليب مع فلان بنكهة الفريز
    و نصف الليتر الاخر ديال الحليب عملتو مع فلان بنكهة طبيعية و بعد مغلا قسمتو نكهت بعضو بالفاني و بعضو بمنكهات و ملونات غذائية


    بعدها كناخذ الفلان بعد ميدفا و نبدا نكبو على البيمو فالمولات
    و ندخلو يعقاد و يجمد فالثلاجة
    لو كنتو مزروبات بيه عمله فالمجمد باش يجمد بسرعة اكبر









    بعد مجمد الفلان على اساس الطرطة (بيمو)
    زينت بالمتوفر عندي من فاكهة "البنان"
    قطعتو شرائح رقيقة بعضها خليتها بطعمها الطبيعي
    و البعض نكهتو بنكهة و لون البيستاش
    و البعض الاخر بنكهة و لون الفريز

    لتحميل كتاب الحلويات المغربية اضغطي هنا




    و قدمتو بالصحة و الراحة كديسير مرفق بعصير الليمون الطبيعي


    ان شاء الله تنال الوصفة السريعة و السهلة اعجابكم و تفيدكم


    اللهم أدمها نعمة و بارك لنا فيها و احفظها من الزوال
    و اجعل فيها الصحة والعافية


    وعليكم السلام ورحمة الله وبركاته


    المواضيع المتشابهه:

  • 13 - 2 - 2012 | 10:54 PM 11551 الصورة الرمزية shamirnda shamirnda
  • مشكور على الموضوع الرائع
    يعطيك العافيه
    وسلمت ااناااملك
    على هالمووضوع المفييد



Powered by vBulletin® Copyright ©2000 - 2017, Jelsoft Enterprises Ltd.
SEO by vBSEO

تصميم النور اونلاين لخدمات الويب المتكاملة