Thread Back Search

خطوات تساعدك على المحافظه والمواظبة على الصلاة

اضافه رد
  • 18 - 5 - 2012 | 3:50 AM 4364 الصورة الرمزية سهر الليالي سهر الليالي
  • [frame="15 98"]
    السلام عليكم و رحمة الله و بركاته

    بالنسبة للمواظبة على الصلاة
    الموضوع ده مجرد افكار تساعدك لكن مش هي اللي هتعينك على المواظبة و الالتزام
    المواظبة على الصلاة لازم يجي من جواكي


    اولا خلينا نتخيل
    ان ملك غني جداً و مشهور او رئيس بلد جه في زيارة للبلد عندنا و فاتح بابه للناس
    عشان تيجي تسلم عليه و تطلب منه اللي هي عايزاه
    مش بذمتكم العاقل هينتهز الفرصة و يتشرف انه قابل الملك و اخد معاه صورة
    و الملك اداله هدية و عزمه على العشاء؟

    فما بالكم بالله
    ملك الملوك
    خالق الشمس و القمر و الارض و الناس و الملائكة و الجن و الجنة و النار
    و كل شئ في الكون و خلق كمان حاجات احنا لسه ما اكتشفناهاش
    بأيده رزق الناس و صحتهم و سعادتهم
    ليه ما نروحش نقابله و نتشرف اننا اتكلمنا معاه و هو اتكلم معانا؟
    ليه ما نروحش نطلب منه الهداية و الرضا و اي حاجه نفسنا فيها؟


    الصلاة هي صلتنا بربنا
    مش مجرد كلمتين بنقولهم و نجري
    دي كلام بينك و بين ربنا

    بصي لما بنقرأ الفاتحة في الصلاة بيحصل ايه

    إن الله تعالى يقول :
    قسمت الصلاة بيني وبين عبدي نصفين ، نصفها لي ونصفها لعبدي ولعبدي ما سأل ،

    فإذا قال : { الحمد لله رب العالمين }
    قال الله : حمدني عبدي ،

    وإذا قال : { الرحمن الرحيم }
    قال الله : أثنى علي عبدي ،

    وإذا قال : { مالك يوم الدين }
    قال الله عز وجل : مجدني عبدي ، وفي رواية فوض إلي عبدي ،

    وإذا قال : { إياك نعبد وإياك نستعين } قال : فهذه الآية بيني وبين عبدي نصفين ولعبدي ما سأل ،

    فإذا قال : { اهدنا الصراط المستقيم صراط الذين أنعمت عليهم غير المغضوب عليهم ولا الضالين } قال : فهؤلاء لعبدي ولعبدي ما سأل*0

    لازم نحاول نحس و نتخيل الحديث ده
    نقول الجملة و احنا حاسينها بالراحة و نتخيل رد ربنا علينا
    نستمتع بالحوار
    احنا بنكلم الملك
    مش نسف الشريط و خلاص


    هنقول كلمة صغيرة عن فضل الصلاة و بعدين ندخل في التطبيق العملي


    الصلاة على وقتها أحب الاعمال الى الله
    عن عبد الله بن مسعود رضي الله عنه قال
    سألت النبي صلى الله عليه وسلم : أي العمل أحب إلى الله ؟
    قال : ( الصلاة على وقتها ) .
    قال : ثم أي ؟ قال : ( ثم بر الوالدين ) .
    قال : ثم أي ؟ قال : ( الجهاد في سبيل الله ) .
    قال : حدثني بهن ، ولو استزدته لزادني .*1


    الصلاة خمس مرات تكفر الذنوب

    عن أبي هريرة رضي الله عنه أنه سمع رسول الله صلى الله عليه وسلم يقول :
    أرأيتم لو أن نهرا بباب أحدكم ، يغتسل فيه كل يوم خمسا ، ما تقول : ذلك يبقي من درنه .
    قالوا : لا يبقي من درنه شيئا ،
    قال : فذلك مثل الصلوات الخمس ، يمحو الله بها الخطايا*2

    الدرن = الوساخة


    الصلاة هي الفريضة الوحيدة اللي لا عذر فيها للمريض
    يعني الجهاد و الحج و الصوم مثلا يعذر فيها المريض
    لكن الصلاة لازم يصلي قاعد - نايم -بعينيه - بقلبه
    في عز الحرب و لقاء العدو ربنا ما لغاش الصلاة بس قصرها خلاها ركعتين و اسمها صلاة الخوف



    كل الفرائض ربنا انزلها على الرسول عليه الصلاة و السلام الا الصلاة
    الرسول عليه الصلاة و السلام هو اللي طلع في معجزة الاسراء و المعراج عشان تتفرض عليه الصلاة


    متخيلين أهمية الصلاة؟



    الرسول عليه الصلاة و السلام كان بيصلي قيام الليل حتى تتورم اقدامه
    عن عائشة رضي الله عنها
    أن نبي الله صلى الله عليه وسلم كان يقوم من الليل حتى تتفطر قدماه ،
    فقالت عائشة : لم تصنع هذا يا رسول الله ، وقد غفر الله لك ما تقدم من ذنبك وما تأخر
    قال : ( أفلا أحب أن أكون عبدا شكورا ) .
    فلما كثر لحمه صلى جالسا ، فإذا أراد أن يركع ، قام فقرأ ثم ركع .*6


    و احنا مكسلين نصلي خمس مرات في اليوم؟؟
    انا مش هاقولك قومي الليل بسورة البقرة و لا هاقولك تصلي 300 ركعة زي ما كان السلف الصالح بيعمل
    بس كل المطلوب 5 صلوات في 5 دقايق
    يعني نص ساعة في اليووووم




    الخطوات العملية:
    1) هنحوط نفسنا بذكر الله -منين ما نبص نلاقي اسم ربنا موجود
    عشان ذكر الله هو الحصن اللي بيمنعنا من الذنوب
    ده كتاب حصن المسلم - بيتباع قدام الجوامع بخمسين قرش

    http://d1.islamhouse.com/data/ar/ih_...ae_C_17-24.pdf

    هنختار منه اذكار (النوم - الاستيقاظ - الصباح - المساء - الخروج من البيت- دخول الحمام - الخروج منه ) مثلا هتلاقي اذكار الصباح كتير هنختار منها 3 بس و هكذا
    و هنكتبهم في ورق صغير على شكل قلوب او اللي تحبيه و نلزق كل ورقة في مكانها - جنب السرير - جنب باب الشقة كده
    عشان تبقى كل خطوة في حياتنا فيها اسم ربنا و مع تكرار قرايتهم هنحفظهم زي اسمنا


    2) العزيمة و طلب المساعدة من ربنا انه يعيننا على المواظبة و يقوينا و دي حاجه مهمة جداً


    3) لو بنعمل ذنوب نحاول نبطلها عشان كترة الذنوب بتموت القلب و القلب لما يموت اكيد
    مش هتبقى فارقة معاه صلاة من عدمها
    و ننوع في الطاعات عشان الايمان بيزيد بالطاعة و بينقص بالعصيان و الايمان لما يزيد صوت الخير جوانا هيزيد
    عندك صوم - ذكر - قرآن(حفظ - قراءة - تفسير) - صدقة - بر والدين - صلة رحم ابواب الخير كتير



    4) هنجيب سجادة صلاة و نحط عليها برفان او مسك او حتى صابون عشان تبقى ريحتها حلوة
    و هنحطها في ركن هادي في الشقة
    و جنبها على ترابيزة المصحف بتاعنا
    و هيبقى ده هو المسجد بتاعنا - مكاننا للخلوة بربنا - المكان اللي بنهرب ليه من قرف الدنيا
    عايزينه يشهد لينا يوم القيامة و يقول يا رب فلانة ياما صلت و بكت هنا


    5) الوضوء ده مش هيبقى مجرد شويه ميه بنغسل نفسنا بيهم
    لازم ندي للوضوء حقه
    نتوضأ ببطء و نعمل كل حاجه بذمة
    نستحضر في ذهننا الحديث ده

    إذا توضأ العبد المسلم ( أو المؤمن ) فغسل وجهه ، خرج من وجهه كل خطيئة نظر إليها بعينيه مع الماء
    ( أو مع آخر قطر الماء )
    فإذا غسل يديه خرج من يديه كل خطيئة كان بطشتها يداه مع الماء ( أو مع آخر قطر الماء )
    فإذا غسل رجليه خرجت كل خطيئة مشتها رجلاه مع الماء ( أو مع آخر قطر الماء ) حتى يخرج نقيا من الذنوب *4


    6) لو عندك اولاد مهما كانوا صغيرين خديهم للمسجد بتاعك و خليهم يصلوا معاكي
    لو عندك اخوات او والدتك او زوجك صلوا جماعة سوا


    7) و يا سلام بقى لو حد من صاحباتك يرن عليكي عشان يصحيكي للفجر
    بجد صلاة الفجر دي ما يعرفش تأثيرها على اليوم الا اللي بيصليها


    8) اول ما نسمع الاذان نقوم نتوضأ و اول ما يخلص نروح نصلي
    اصل بصي
    كده كده هتصلي
    فليه نؤجل الصلاة لأخر الوقت؟ صليها دلوقتي و انطلقي شوفي وراكي ايه
    مش تفضلي قلقانة اصل انا لسه ما صلتش
    و اضبطي المنبه بتاع الموبايل على اوقات الصلاة عشان يزن عليكي لو كسلتي بعد الاذان



    الموضوع هيبقى صعب في الاول بس بعد شويه معافرة و كفاح الشيطان مش هيقدر عليكي
    الجنة فوق في السماء
    اللي عايز يطلع لها لازم يطلع بسلم و يتعب و ينهج




    و لو قاومتي الشيطان شويه و هزمك في الاخر معلش يا ستي
    صلي قضاء و توبي و التائب من الذنب كمن لا ذنب له
    اللي يتكعبل يقوم ينفض نفسه و يكمل الطريق مش يفضل قاعد في الارض و مستسلم للشيطان


    بصوا يا جماعة موضوع الصلاة اساساً كبير و في فيديوهات كتير مؤثرة عن الصلاة
    لازم انتم برضه تقرأوا و تدوروا و تساعدوا نفسكم
    و لو العزيمة ضعفت شويه نقويها بالفيديوهات دي و في سلسلة مشهورة اسمها "كيف تتلذذ بالصلاة" و غيرها
    عايزين نساعد نفسنا
    شويه بالترغيب و شويه بالترهيب
    دوري على عقاب تارك الصلاة
    عايزين نحاصر النفس الامارة بالسوء و الشيطان لحد ما يستسلموا




    و اخر حديث بقى احب اختم بيه الموضوع:

    شوفوا الملايكة اللي طول الليل و النهار بتسبح ربنا و تعبده بيقولوا ايه!!!!
    و احنا اللي ربنا كلفنا بخمس صلوات في الاربعة و عشرين ساعة مش عارفه اقول ايه بصراحة
    كسل و لا استخسار و لا تكبر و لا ايه


    ما في السماوات السبع موضع قدم ، ولا شبر ، ولا كف إلا وفيه ملك قائم ، أو ملك ساجد ، أو ملك راكع ،
    فإذا كان يوم القيامة ، قالوا جميعا : ما عبدناك حق عبادتك إلا أنا لم نشرك بك
    شيئا*5


    و اي عضو عنده نصيحة او فكرة تساعدنا على المواظبة والمحافظه على الصلاة ياريت مايبخلش علينا
    و سلام


    [/frame]


    المواضيع المتشابهه:

  • 18 - 5 - 2012 | 10:25 AM 4364 الصورة الرمزية mohanad mohanad
  • جزاكي الله خيرا
    موضوع رائع
    وخطوات كتير مفيده
    جعله الله فيه ميزان حسناتك
    لا تعدمنا جديدك
    الله يعطيكي العافيه
    تقبل مروري


  • 18 - 5 - 2012 | 2:47 PM 4364 الصورة الرمزية سهر الليالي سهر الليالي
  • كل الشكر لكـِ ولهذا المرور الجميل
    الله يعطيكـِ العافيه يارب

    تقبل ودي واحترامي


  • 30 - 5 - 2012 | 12:30 PM 4364 الصورة الرمزية قمر الليالى قمر الليالى
  • سلمت يدآكِـ
    ودامت لمساتكـ في مواضيعك الرائعة


  • 30 - 5 - 2012 | 12:43 PM 4364 الصورة الرمزية سهر الليالي سهر الليالي
  • مشكووووره حبيبتي
    لمرورك العطر وردك الجميل
    لاعدمت طلتك الجميله يارب


  • 30 - 5 - 2012 | 5:50 PM 4364 الصورة الرمزية nader2012 nader2012

  • جزاكِ الله خيرا


  • 30 - 5 - 2012 | 8:14 PM 4364 الصورة الرمزية ألًأ دٌمَـ عُ ــة أمَيُ ألًأ دٌمَـ عُ ــة أمَيُ
  • يسلمووو غلاتي

    موضوع قيم ومفيد جداا

    جعله الباري في ميزان حسناتك

    واثابك به الفردوس الاعلى

  • 1 - 6 - 2012 | 7:41 AM 4364 الصورة الرمزية سهر الليالي سهر الليالي
  • مشكووووره يالغلا على المرور
    يعطيك الف عافيه يارب


  • 1 - 6 - 2012 | 7:42 AM 4364 الصورة الرمزية سهر الليالي سهر الليالي
  • الله يسلمك حبيبتي
    مشكوووره ياقلبي ع المرور
    وردك الجميل لاعدمتطلتك العطره يارب
    دمتي باالف خير


  • 7 - 6 - 2012 | 9:54 PM 4364 الصورة الرمزية بقايا انسان بقايا انسان
  • بارك الله فيك
    موضوع رائع
    اثابك الله الفردوس الاعلى

Powered by vBulletin® Copyright ©2000 - 2015, Jelsoft Enterprises Ltd.
SEO by vBSEO

تصميم النور اونلاين لخدمات الويب المتكاملة