أضغط اعجبنى ليصلك كل جديد على الفيس بوك


العودة   منتديات قلبنا > قسم المنتديات الاجتماعية > المطبخ 2013 - اكلات جديدة 2012 - حلويات 2013 - مشروبات > نصائح للمطبخ 2013 - نصائح جديدة للطبخ 2012 - ارشادات المطبخ 2013

 
 
قديم 4 - 7 - 2012, 11:28 PM
ألًأ دٌمَـ عُ ــة أمَيُ
Hhuji8[1] فن ترتيب السفرة لضيوف ,اتكيت العزومات الفاخرة ,ترتيب سفرة المشاهير

سيدتي دائما ما تجدينا صعوبه عند الافراح او العزومات

هاته طرق بسيطه تجعل من بيتك كبيوت المشاهير

اترككم مع الموضوع



فن ترتيب السفرة لضيوف ,اتكيت العزومات الفاخرة ,ترتيب سفرة المشاهير
فن ترتيب السفرة لضيوف ,اتكيت العزومات الفاخرة ,ترتيب سفرة المشاهير




لو انت شخص معزوم ايه هى اصول الأتيكيت المزبوط؟؟
1- لو انت عندك حساسيه من نوع معين من الأطعمه مفيش مانع تقول للناس اللى انت
معزوم عندهم بس ده طبعا يكون قبلها بوقت وممكن تقولهم بأسلوب لائق عن نوعيه
الأكل اللى انت بتفضلها.

2- مش من اصول الاتيكيت ان كل شوى يجيلك تليفون وترد عليه اثناء الأكل
فلازم نعمل الموبايل silent غير كده لازم نشوف نوعيه العزومه وميعادها
ونزبط معاها اللبس المناسب ليها

3- طبعا لازم يكون عندنل ذوق فى التعامل ونشكر الشخص اللى عزمنا ده ولو بمكالمه تليفون
ولازم وانت رايحله تجيبله هديه لو شخص تعرفه كويس ممكن تجيبله حاجه يقدر يستفاد منها
ولو انت متعرفهوش قوى ممكنت تجيبله بوكيه ورد.

4- متصطحبش اى شخص مش موجهه الدعوة ليه وده طبعا بينطبق على الأطفال

5- المفروض انك تروح قبل ميعاد العزومه بعشر دقائق ميكونش قبلها بوقت كبير
عشان ست البيت مش هتكون فاضيه وملخومه فى تحضير العزومه

6- مش اول متخلص اكل تمشى!!! لازم تستنى شويه ممكن نص ساعه او ساعه بالكتير وبعدين
ممكن تستأذن .


انت دلوقتى على السفره ... ايه هى اصول الأتيكيت المفروض تتبع فى طريقه الجلوس والأكل؟؟؟
1- وانت قاعد خلى ظهرك مفرود على الكرسى واوعى تخلى كوعك مرتكز على السفره
خليهم جنب جسمك.

2- فوطة المائدة: توضع على الفخذين (الحجر) بمجرد جلوسك على المائدة, لا تحاول فرد طياتها كلية لكى تحمى ملابسك فى حالة انسكاب الحساء أو أية سوائل بجانب فتات الطعام.


إتيكيت إستخدام السكين والشوكة:

هو فى كذا طريقه بس انا جبتلكم افضل الطرق:
طبعا الشوكه بتبقى فى الأيد الشمال والسكينه فى الأيد

1- انك بعد متقطع قطعه اللحم مثلا تنقل الشزكه من الايد الشمال لليد اليمين
عشان تبدأ بالأكل
2-تحط السكينه على الطبق بعد التقطيع
3- ترفع الشوكه ناحيه الفم بحيث يكون سطحها المستوى لأعلى



وانت بتأكل ممكن تتعرض لمواقف معينه .......تتعامل معاها ازاى؟؟؟؟
1- المملحه : لو عايزين نأخد ملح نستخدم طرف سكينه نظيفه او اصبعان لرش الملح اما لو كنت عايز تغمس فى الملح
المفروض تأخد شويه من الملح وتحط القليل منهم على اى طبق امامك ولكن لاتضع الطعام فى المملحه ولو كانت المملحه
بعيده عنك مفيش مانع انك تتطلب من حد انه يمررك المملحه..

2- ممكن تطلب من الشخص اللى عازمك كاتشب او مسترده لو مش موجودين على السفره
لكن مش مسموح ابدا انك تطلب طبق او صنف معين مش موجود اصلا.

3- الأوراق الكبيرة للخضراوات مثل الخس تقطع إلى أجزاء صغيرة بالشوكة والسكين.
أما الأوراق المقطعة لشرائح طويلة تلف حول سنون الشوكة.
وأي قطع كبيرة غير أوراق الخضراوات يمكنك تقطيعها زى منت عايز..


لو الطعام سخن ومش عارف تأكله او طعمه مش عجبك.......تعمل ايه؟؟

1-عليك بشرب ماء أو أي مشروب مقدم على المائدة على الفور.

2- أما في حالة عدم وجود أي نوع من السوائل وبدأ الفم يحترق ببخار الطعام، الحل هو إخراجه من الفم على الفور ولكن ليس بالطريقة المعتاد عليها "بصقه في فوطة المائدة" فهو غير مسموح به على الإطلاق, وإنما إخراجه من الفم على أصابع اليد أو على الشوكة حسبما تستطيع ثم يوضع على حافة الطبق.

3- وفي حالة الطعام الفاسد أو الذي ليس له مذاقاً لذيذاً لا تحاول بلعه رغم أنفك و إخراجه من فمك بنفس الطريقة السابقة وإياك وفوطة المائدة لا يتطرق تفكيرك إليها أبداً.


لو جتلك نوبه عطس او رشح وانت فى العزومه ....تتصرف ازاى؟؟

1- أولاً: عليك بتغطية الأنف والفم بمنديل، وإن لم يكن لديك واحداً لا مانع من استخدام فوطة المائدة، والحل الثالث استخدم الأيدي وليس من الضروري أن تترك المائدة.

2- ثانياً: إذا استمر العطس والسعال, عليك بالاستئذان بعيداً عن المائدة حتى تنتهي هذه النوبة.

3- ثالثاً: والاستئذان ليس فقط إذا استمرت النوبة لفترة من الزمن وإنما إذا لم يكن لديك مناديل للأنف في حالة الرشح ولا تستخدم فوطة المائدة مطلقاً لهذا الغرض.

والأفضل عدم ذهابك لكي تجنب الآخرين مشاكل العدوى.


لو انت بتأكل وقع عليك بعض الأكل او انسكب عليك شوربه .....تعمل ايه؟؟
انسكاب الأطعمة اللزجة أو الجامدة مثل: الجيلي، الخضراوات، الأرز أو المكرونة ... وغيرها من أنواع الأطعمة الأخرى يمكنك استخدام حافة السكين أو الملعقة في تنظيف ملابسك التي وقعت عليها فتات الطعام أو المسكوب منه بشرط أن تكون الأداة المستخدمة نظيفة، وإذا تركت آثاراًً علي ملابسك (بقع) بلل طرف الفوطة الخاصة بك بقليل من الماء من الكأس الموضوع أمامك وحاول تنظيفها كحل مؤقت حتى عودتك للمنزل وتنظيفها جيداًً مع تقديم الاعتذار للمضيف/المضيفة، ويأتي دور المضيف/المضيفة هنا بعدم لفت أنظار باقي الأفراد لما حدث مما يسبب إحراجاًً للزائر.


وإذا سكبت ماءاً أو أي نوع من أنواع السوائل وليكن حساء، عصير، شاي أو قهوة، عليك بلفت نظر النادل (الجرسون) وبهدوء شديد بدون لفت أنظار الآخرين لك لإحضار فوطة لتغطية المكان المسكوب عليه السائل ولامتصاصه في نفس الوقت هذا بالنسبة للعشاء أو الغذاء الرسمي، أما غير الرسمي وفي عدم وجود خادم يقوم بالمساعدة عليك بطلب قطعة من القماش أو الإسفنج من المضيف لامتصاص السائل كما عليك بمساعدة المضيفة في عملية تنظيف ملابسك بالطريقة المتوفرة حتى العودة إلي المنزل.



لو انت عايز تقوم عشان تدخل التواليت مثلا ......بس لسه مخلصتش اكل تتصرف ازاى مع الشوكه والسكينه؟؟
وفي حالة الحاجة الى القيام عن طاولة السفرة لسبب ضروري يترك المنديل على الكرسي حيث أن وضع المنديل على الطاولة على يمين الطبق الرئيسي وهذه رسالة تعني الأنتهاء من الأكل وهذا مايفترض أن يقوم به المضيف قبل المضيفين عندما يرى بعين فاحصة أن الجميع قد انتهوا فعلا من الطعام. وعلى الضيوف والمضيف التأكد من وضع المناديل على الطاولة دون أن يطووها او يطبقوها بأي شكل من الأشكال. وتوضع الشوكة والسكين على الطبق الرئيسي بشكل متقابل على الطبق الرئيسي. ويكون الجزء الحاد من السكين باتجاة عمق الطبق والشوكة تكون مقلوبة ( مسنناتها على الطبق). ومن الأتيكيت ايضا عدم ترك ملعقة الشوربة في زبدية الشوربة عند الأنتهاء منها بل تركها في طبق الزبدية ..... وكذلك ملاحظة عدم ترك أي من ألأدوات

كده احنا انتهينا لوانت شخص معزوم......طيب لو انت اللى هتعزم هتحضر السفره ازاى؟؟


وضع الطبق الرئيسي في منتصف الأدوات الأخرى، وفي مواجهة كرسي الضيف.

- يوضع طبق الزبد بعد الشوكة وإلي الأمام منها علي اليسار.

- كوب الماء أو العصائر بجانب طبق الزبد إلي اليمين بالترتيب حسب الحجم.

- الشوكة علي الناحية اليسرى من الطبق الرئيسي ويكون ترتيبها كالتالي:

1- شوكة السلطة بجانب الطبق مباشرة إذا قدمت مع الأكل أو بعده، ولكن إذا قدمت أولاً قبل أي شيء آخر توضع علي يسار الشوكة الرئيسية (شوكة اللحوم).

2- شوكة اللحوم بعد شوكة السلطة أي إلي اليسار منها.

3- شوكة السمك بعد شوكة اللحم (إلي اليسار منها) – ولكن إذا تم استخدامها أولاً توضع بعيداً عن الشوك الأخرى.

- توضع السكاكين إلي اليمين من الطبق الرئيسي:

1- سكين السلطة بجانب طبق الطعام الرئيسي مباشرة إذا قدمت السلطة مع الأكل أو بعده (كما في حالة الشوك). ولكن إذا قدمت أولاً توضع علي اليمين من سكين اللحم.

2- توضع سكين اللحم بعد سكين السلطة (إلي اليمين منها).

3- سكين السمك بعد سكين اللحم (إلي اليمين منها).

4- سكين الزبد توضع فوق طبق الزبد مباشرة.

- توضع ملعقة الحساء/الفاكهة بعد السكاكين (إلي اليمين منها).

- أما شوكة المحار، توضع بعد الملاعق (وذلك عند تقديمه فقط) وهذه هي الشوكة الوحيدة التي توضع علي اليمين.

- فوطة الطعام فوق الطبق الرئيسي.

- وضع الشموع أو أية إضاءة خافتة أخرى.

- ولا يجوز وضع أكثر من ثلاثة شوك أو ملاعق أو سكاكين (باستثناء شوكة المحار). وإذا قدم أكثر من ثلاثة أطباق قبل تقديم الحلو، فإن الشوكة الرابعة تأتي مع الطبق الرابع أو أن تحذف شوكة السلطة وسكينها من علي المائدة في بداية الطعام ويتم إحضارها مع السلطة.

يتم إحضار الملاعق الخاصة بالطبق الحلو والشوك مع الطبق قبل تقديمه مباشرة.


وكمان هنتعلم اهم قواعد في اتكيت الزيارة المنزليه والضيافه
وكمان هنتعلم اهم قواعد في اتكيت الزيارة المنزليه والضيافه

هنتكلم النهاردة اهم قواعد الاتيكيت عن إتيكيت الزيارات والعزومات..
وهتعرّفنا به خبيرة الإتيكيت “دينا علي”..
اللي هتقول لنا القواعد الأساسية، والحاجات المهمة اللي لازم ناخد بالنا منها وإحنا بنزور حد، وكمان وإحنا بنستقبل الضيوف في البيت.
وبدأنا كلامنا معاها عن إتيكيت زيارة الآخرين.. وسألناها:
إزاي نقدر نحدد الوقت المناسب للزيارة؟!
يُفضّل إننا أثناء الاتفاق على ميعاد الزيارة نسأل الشخص اللي هنزوره عن الميعاد المناسب له؛ يعني اقتراح الميعاد يكون من عنده هو مش من عندنا إحنا، وأهم حاجة إننا نتفق مع صاحب العزومة على ميعاد الزيارة قبلها بفترة مهما كان الشخص ده قريّب مننا.
أما لو كنا قريبين بالصدفة من بيت أحد أقاربنا أو أصدقائنا، وفكّرنا نزوره من غير ما يكون في ميعاد سابق، فيُفضّل إننا نكلّمه في التليفون ونستأذنه في الزيارة، علشان يكون عنده فرصة يجهز نفسه لاستقبالنا.
طيب إيه الحدود المسموح بها للتأخير عن الميعاد المحدد للزيارة؟!
لا بد من احترام ميعاد الزيارة، وعدم التأخير أكثر من ربع ساعة عن الميعاد؛ لأن الشخص اللي إحنا هنزوره أكيد بيحضّر نفسه ووقته لاستقبالنا، وعلشان كده لازم نحترمه، ومش من المفضّل إننا نوصل قبل ميعادنا علشان نسيب لأهل البيت فرصة إنهم يجهزوا البيت ويستعدوا للزيارة.
في حالة وجود ظرف طارئ إيه هو الأسلوب المناسب للاعتذار؟
الاعتذار عن الزيارة لازم يكون قبلها بيوم على الأقل، وفي حالة حدوث ظرف طارئ فجأة هيمنعنا عن الميعاد المتفق عليه، ممكن إننا نتصل ونعتذر أو نأخر الميعاد شوية، لكن لازم يكون فيه سبب قوي جدًّا.
إيه هي الملابس المناسبة لكل زيارة؟!
أكيد طبعاً مهم جدًّا إننا نهتم بشكلنا ومظهرنا وملابسنا أثناء الذهاب لزيارة حد، لكن في نفس الوقت لازم نحافظ على بساطتنا قدر الإمكان.
ومن الحاجات المرفوضة إننا نزور حد بملابس الرياضة أو حتى الاستايلات الغريبة غير المقبولة اللي بنشوفها اليومين دول، وكمان اللبس المبهرج مش مستحب وإنتِ بتزوري حد؛ يعني كل ما كانت الملابس بسيطة كان أفضل.
أما في المناسبات الخاصة زي أعياد الميلاد أو حفلات الخطوبة اللي بتكون في البيت، ممكن الملابس تكون سواريه هادئ وبسيط وبدون بهرجة كثيرة؛ لأن الاحتفال بالمناسبات في البيت يختلف عن الخارج.
طيب هل فيه قواعد معينة لاختيار الهدية المناسبة؟!
بوجه عام عند زيارة أحد الهدية بتكون بسيطة مجرد تعبير عن الشكر؛ يعني ممكن نجيب علبة شيكولاتة أو زرع أو بوكيه ورد.
أما في المناسبات الخاصة فالهدية بتختلف.. وبنحددها حسب نوع وسبب الزيارة، وتختلف أيضاً حسب عقلية واهتمامات الشخص اللي بنزوره؛ فمثلاً لو شخص بيحب القراءة ممكن الهدية تكون كتاب بسيط، ولو بيحب التحف نجيب له فازة أو أي تحفة بسيطة، أما بالنسبة لزيارة المريض فأفضل هدية هي الورد، أما لو كانت المناسبة عيد ميلاد أو نجاح أو خطوبة، فممكن إن الهدية تكون ذهب أو فضة.
ودلوقتي هنتكلّم عن الطريقة المناسبة لتحضير عزومة في البيت…
وأوّل حاجة نحب نسألِك عنها هي إتيكيت دعوة الضيوف؟!
أهم حاجة هي إننا نعزم الضيوف قبل ميعاد العزومة بوقت كافي، ويُفضّل لو كانت الدعوة قبل ميعاد العزومة بأسبوع، وأثناء الاتفاق على الميعاد لازم تعرّفي الضيوف نوع العزومة بالظبط؛ يعني إذا كانت عزومة غداء أو عشاء أو مناسبة خاصة.
حاجة مهمة كمان لازم ناخد بالنا منها أثناء دعوة الآخرين، وهي إنك تهتمي بإبداء رغبتك واهتمامك بحضور الضيف؛ يعني مش مجرد (عزومة مراكبية) زي ما بيقولوا.
وفي حالة إنك هتعزمي أكثر من شخص يجب مراعاة إن يكون فيه بينهم انسجام؛ فمثلاً ما تعزميش اثنين فيه بينهم خلافات في يوم واحد.
طيب بالنسبة للتحضير للعزومة.. هل فيه إتيكيت معين لازم نهتم به؟!
أكيد فيه حاجات معينة لازم ناخد بالنا منها علشان العزومة تكون لطيفة والناس تكون مبسوطة، وأول حاجة لازم ناخد بالنا منها إن لو عدد الضيوف اللي هنستقبلهم في البيت كبير ممكن تستعيني بحد علشان يساعدك، ومهم جدًّا إنك تحضّري للعزومة قبلها بوقت كافي؛ لأن مش من المقبول إنك تسيبي الضيوف لوحدهم لانشغالك بالتجهيز والتحضير.
إذا كان ضمن الضيوف حد مدخن جهزي طفاية في مكان قريّب من مكان استقبال الضيوف، ولو بتضايقي من رائحة الدخان في البيت ممكن تطلبي من المدخن بطريقة لطيفة إنه يدخن في المكان مفتوح (البلكونة مثلاً).
لو العزومة هيكون فيها أطفال.. نعمل إيه؟!
لو في أطفال هيكونوا موجودين يُفضّل إنك تجهزي غرفة ما يكونش فيها تحف أو حاجات قابلة للكسر بسهولة، وممكن تجهزي فيها لعب، وبكده تكوني بتقللي من الفوضى اللي ممكن تحصل بسبب الأطفال.
هل فيه ملابس معيّنة تكون مناسبة لاستقبال الضيوف في البيت؟!
أكيد عند استقبالك للضيوف في بيتك لازم تهتمي بملابسك؛ لأنها من الأشياء المهمة جدًّا، وما ينفعش تقابلي أي ضيف مهما كانت درجة قرابته منك بملابس النوم.
ولازم نحرص إن الملابس اللي هنستقبل بها الضيوف تكون ملابس كاملة حتى الحذاء، وما ينفعش تقابلي الضيوف بـ(شبشب البيت)، وممكن تلبسي حذاء بدون كعب لسهولة الحركة.
بعد ما حضرنا للعزومة إزاي بقى نستقبل الضيوف؟!
استقبلي الضيوف بالترحاب، وبوجه بشوش ومبتسم، واحرصي إنك تظهري اهتمامك وسعادتك باستقبالهم، ولو عازمة أكتر من شخص ما يعرفوش بعض لازم تكوني حريصة إنك تعرّفيهم ببعض، وتحاولي تقترحي موضوع مشترك للنقاش.. ولازم توزّعي اهتمامك بين كل الضيوف الموجودين عندك حتى الأطفال.
نعمل إيه لو جالنا تليفون أثناء وجود الضيوف؟!
حاولي على أد ما تقدري إن المكالمة تكون مختصرة وقصيّرة، والأفضل إنك تأجلي الرد علي التليفونات وقت تواجد الضيوف.


وكذالك شاهد عاليوتيوب




وايضا





للمزيد تفضل هناا

نصائح للمطبخ 2013 - نصائح جديدة للطبخ 2012 - ارشادات المطبخ 2013



المواضيع المتشابهه:
 
التعليقات  

مواقع النشر (المفضلة)

الكلمات الدلالية (Tags)
لضيوف, المشاهير, السفرة, العزومات, الفاخرة, اتكيت, تربية, شفرة

عرب برامج
أدوات الموضوع
نكت
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are متاحة
Pingbacks are متاحة
Refbacks are متاحة



الساعة الآن 8:30 AM


Powered by vBulletin® Copyright ©2000 - 2014, Jelsoft Enterprises Ltd.
SEO by vBSEO