Thread Back Search

قصيدة شعر جديدة للشاعر محمد جارالله 2012 , قصيدة عن الفراق - ليلة فراقك

اضافه رد
  • 13 - 9 - 2012 | 3:45 PM 1685 الصورة الرمزية ~وهـِ[! ωαнαм !]ـًَِمَِ~ ~وهـِ[! ωαнαм !]ـًَِمَِ~
  • قصيدة شعر جديدة للشاعر محمد جارالله 2012 , قصيدة عن الفراق - ليلة فراقك

    قصيدة شعر جديدة للشاعر محمد جارالله 2012 , قصيدة عن الفراق - ليلة فراقك
    قصيدة شعر جديدة للشاعر محمد جارالله 2012 , قصيدة عن الفراق - ليلة فراقك

    من بعـد مـا كنـت أحسب إنّـي نسيتـك

    مدري اش جابك على البال وذكرتـك ؟؟

    ولا وعيـت إلاّ وانـا قـدّام بيتـك !!
    ماتقول انّـي قبـل مـدة هجرتـك ؟!

    ذا مكاني .. لاغفـى الليـل وسريتـك
    شف ّ كم لي .. ما سريت ولا سهرتك؟

    وذا مكانـك .. لا تضايقـت وجفيتـك
    وشف ّ كم لك .. ماترجّيت وعذرتـك ؟

    وذا مكـان قلوبنـا .. لحظـة هويتـك
    فيه عمـري اختصرتـه واختصرتـك

    واقف .. وكنّي مـن احزانـي بنيتـك
    (جسر) .. مابين الزمانين وعبرتـك !!

    آتذكّـر .. وش خذيـت ووش عطيتـك
    يوم كنـت انقـاض وبحبـي عمرتـك

    وآتذكّـر .. ساعـة انهـوك وبديـتـك
    كيف بجروحي عن جروحي سترتك !!

    وكيف بعت احلام عمـري واشتريتـك
    وكيف كنت اشنع هزيمـة وانتصرتـك

    وكيف كنت الملح ..لكنـي رويتـك !!
    وكيف كنت الزيف .. لكني ذخرتـك !!

    ادري اني جـد ّ.. مـن قلبـي بغيتـك
    وادري انّي رغم كـل هـذا خسرتـك

    انتظرتك .. ( عمر ) حتى اني لقيتـك
    والقهر مدري على ويش .. انتظرتك !!

    كنت احبك .. كنـت !! لكنـي سليتـك
    ومـا بقـى سلمتـه الريـح ونثرتـك

    وانـت لاا تزعـل اليـا منـي رثيتـك
    بعد مـا خنـت وتوفيـت وقبرتـك !!

    والله انـي .. لاحزنـت ولا بكيـتـك
    مثـل مـا عمّرتـك بقلبـي دمـرتـك

    بس تدري ليش عقب غيـاب جيتـك ؟
    واهتدت رجلي على بيتـك وزرتـك؟؟

    بشكرك .. على آخر طعونـك فديتـك
    ليلة فراقك .. نسيت !! وما شكرتك !!



    المواضيع المتشابهه:

Powered by vBulletin® Copyright ©2000 - 2017, Jelsoft Enterprises Ltd.
SEO by vBSEO

تصميم النور اونلاين لخدمات الويب المتكاملة